Jamrin
Jamrin جمرين | |
|---|---|
| Qishloq | |
| Mamlakat | Suriya |
| Muhofaza | Daraa |
| Okrug | Daraa okrugi |
| Nohiya | Bosra ash-Shom |
| Aholisi (2004) |
1 000[1] |
| Vaqt mintaqasi | UTCEET +2; +3 |
Jamrin (arabcha: جمرين; transliteratsiyasi: Jamrīn, shuningdek, Jimrin, Jemrin va Jemarrin) Suriya janubida joylashgan qishloq. Maʼmuriy jihatdan Daraa muhofazasi tarkibiga kiradi. Daraadan sharqda, Bosradan shimolda joylashgan. Gʻarbda Maaraba, shimoli-gʻarbda Xaraba, shimolda al-Mujaymer, sharqda esa al-Qurayya bilan chegaradosh. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Jamrin aholisi 1 000 kishini tashkil qilgan. Aholisi sunniylardan iborat[1].
Tarixi
Antk davr
Jamrin shimolida Rim davriga oid Jamrin koʻprigi joylashgan[2]. 543-yil, Vizantiya davrida, Jamrinda Avliyo Stephenga atab cherkov qurilgan[3].
Usmoniylar davri
Qishloq 1596-yilgi Usmoniylar soliq roʻyxatlarida Jimrin nomi bilan qayd etilgan boʻlib, Havron qadasi hududidagi Bani Nasiyya nohiyasi tarkibiga kirgan. Qishloqda 15 ta xonadon va 5 ta boʻydoqdan iborat musulmon aholi yashar edi. Aholi qishloq xoʻjaligi mahsulotlari, jumladan bugʻdoy, arpa va yozgi ekinlardan 40% qatʼiy soliq toʻlagan. Bundan tashqari, vaqti-vaqti bilan boshqa daromadlardan ham soliq undirilgan. Jami soliq miqdori 6330 akçeni tashkil etgan[4]. 1838-yilda qishloq Jemurrin xarobalari nomi bilan qayd etilgan boʻlib, ash-Shayx Maskinning sharqida, Nukra (Hauran tekisligi) hududida joylashgan edi[5].
Zamonaviy davr
1980-yillardan boshlab Jamrin qishlogʻi aholisi uchta urugʻga mansub boʻlib, qishloq muxtori (oqsoqoli) lavozimini anʼanaviy tarzda Kafarnah urugʻi vakillari egallab kelgan[6].
Manbalar
Adabiyotlar
- Baedeker, K.. Palestine and Syria, 2nd, Leipzig: Karl Baedeker, 1894. OCLC 01028236. .
- Batatu, H.. Syria's Peasantry, the Descendants of Its Lesser Rural Notables, and Their Politics. Princeton University Press, 1999. ISBN 0691002541.
- Conder, C.R. (October 1890). "The Early Christians in Syria". The Scottish Review 16: 215–240. https://archive.org/details/sim_scottish-review_1890-10_16/page/n13.
- Hütteroth, W.-D.; Abdulfattah, K.. Historical Geography of Palestine, Transjordan and Southern Syria in the Late 16th Century. Erlanger Geographische Arbeiten, Sonderband 5. Erlangen, Germany: Vorstand der Fränkischen Geographischen Gesellschaft, 1977. ISBN 3-920405-41-2.
- Robinson, E.; Smith, E.. Biblical Researches in Palestine, Mount Sinai and Arabia Petraea: A Journal of Travels in the year 1838. Boston: Crocker & Brewster, 1841.