Kontent qismiga oʻtish

Jalil Kimsanov

ZiyoSfera, erkin ensiklopediya
Jalil Kimsanov
Shaxsiy maʼlumot
Toʻliq ismi Jalil Jumanovich Kimsanov
Tavallud sanasi 1986-yil 26-fevral (1986-02-26) (40 yosh)
Tavallud joyi Dangʻara[1]
Ampluasi markaziy himoyachi,
tayanch yarim himoyachi
Professional faoliyati*
Yillar Jamoa Isht. (Gol.)
2011 Guliston 2 (0)
2012-2013 Soʻgʻdiyona 12 (0)
2013 Qizilqum 2 (0)
2014-2017 Qoʻqon 1912 69 (3)
2018 Neftchi 18 (1)
2019 Istiqlol 7 (2)
2019 Andijon 4 (0)
2020 Regar-TadAZ
*Professional klublardagi gollari (ichki chempionat)

Jalil Jumanovich Kimsanov (1986-yil 26-fevralda Dangʻarada tugʻilgan) — oʻzbekistonlik sobiq professional futbolchi[2]. Faoliyati davomida asosan markaziy himoyachi ampulasida oʻynagan, shuningdek, tayanch yarim himoyachisi sifatida ham maydonga tushgan. U Oʻzbekiston, Tojikiston va Qirgʻiziston chempionatlarida faoliyat olib borgan[3][4]. 2022-yilda professional futbolchilik faoliyatini yakunlagan[5].

Klublardagi karyerasi

Jalil Kimsanov professional faoliyatini „Guliston“ klubida boshlagan. 2012-yilda „Soʻgʻdiyona“ klubiga oʻtib, Oʻzbekiston Kubogi bahslarida debyut qilgan. 2013-yilgi mavsumda jamoa safida Oʻzbekiston Superligasida 10 ta uchrashuv oʻtkazgan. Yozgi transfer oynasida „Qizilqum“ safiga qoʻshilgan va mavsum oxiriga qadar klub tarkibida ikki liga uchrashuvida maydonga tushgan.

2014-yil boshida „Qoʻqon 1912“ bilan shartnoma imzolagan. Keyingi toʻrt mavsum davomida klub safida Oʻzbekiston Superligasi va Oʻzbekiston Kubogi doirasida jami 70 ga yaqin rasmiy uchrashuv oʻtkazib, uchta gol urgan. 2015 va 2016-yilgi mavsumlarda jamoaning asosiy himoyachilaridan biri sifatida muntazam maydonga tushgan[6][7].

2018-yilda „Neftchi“ safiga oʻtgan[8]. 2019-yil yanvar oyida Tojikistonning „Istiqlol“ klubi bilan shartnoma imzolagan[9]. Oʻsha mavsumda klub bilan Tojikiston chempionati, Tojikiston kubogi va Superkubogida gʻolib chiqqan hamda OFK Chempionlar ligasi saralashi va OFK Kubogi uchrashuvlari qaydnomasidan oʻrin olgan. Yozgi transfer oynasida „Andijon“ klubiga qaytgan[10][11].

2020-yilda „Regar-TadAZ“ klubiga oʻtib, faoliyatining soʻnggi mavsumlarini Tojikiston chempionatida oʻtkazgan. 2022-yil boshida professional futbolchilik faoliyatini yakunlagan.

Manbalar

  1. ↑ „Profile of J. Kimsanov“. besoccer.com.
  2. ↑ „Jalil Kimsanov Tribuna.com saytida“. Tribuna.com.
  3. ↑ „Jalil Kimsanov“. footballdatabase.eu.
  4. ↑ „Jalil Kimsanov Flashsoccer saytida“. flashsoccer.com.
  5. ↑ „Jalil Kimsanov Transfermarkt.com saytida“. Transfermarkt.com.
  6. ↑ „Jalil Kimsanov: “Futbolimizdagi islohotlarni qo‘llab-quvvatlayman”“. Stadion.uz (2018-yil 17-yanvar).
  7. ↑ „Жалил Кимсанов: «Футболимиздаги ислоҳотларни қўллаб-қувватлайман»“. Championat.asia (16-yanvar 2018-yil).
  8. ↑ „Жалил Кимсанов: "Нефтчи"да ўйнаш - ҳар бир фарғоналик футболчининг орзуси“. Sports.uz (2018-yil 9-fevral).
  9. ↑ „Жалил Кимсанов Тожикистон клубига кўчиб ўтди“. Championat.asia (30-yanvar 2019-yil).
  10. ↑ „"Андижон" Ҳасанов ва Кимсанов билан шартнома имзолади“. UFF.uz (2019-yil 25-iyul).
  11. ↑ „Жалил Кимсанов Sports.ru saytida“. Sports.ru. 
"https://ziyosfera.uz/index.php?title=Jalil_Kimsanov&oldid=515972" dan olindi