Jakarta Islom markazi
| Masjid | |
Jakarta Islom markazi
| |
 | |
| Asosiy kirish darvozasi | |
| Mamlakat |  Indoneziya
|
| Shahar | Jakarta |
| Yoʻnalishi | sunniy |
| Masjid turi | Jomeʼ-Masjid |
| Meʼmoriy uslub | Usmonli meʼmorchiligi |
| Asosiy sana: 2003
| |
| Umumiy maydoni | 6 000 m2 |
| Gumbazlar soni | 1 ta asosiy, 2 ta yordamchi |
| Gumbazlar soni | 1 ta asosiy, 2 ta yordamchi |
| Minoralar soni | 1 ta |
| Minoralar soni | 1 ta |
| Holati | amaldagi |
| Tarovih | 
|
| Saharlik va iftorlik |
|
| Sayt | Rasmiy sayt |
Jakarta Islom markazi (JIM) – Indoneziyaning Jakarta shahri Koja hududida joylashgan islomiy tadqiqotlar va ilmiy izlanishlar markazi. JIM faoliyatiga ZISVAFni rivojlantirish, taʼlim (TPA, madrasa, Jamoaviy taʼlim markazi), ijtimoiy-iqtisodiy faoliyat (masjid kooperativlari), muntazam diniy oʻqishlar, Tabligʻ akbar, hamda islomiy bayramlarni nishonlash kiradi.
Tarixi
JIM joylashgan hududda 1972-yilda tashkil etilgan, Kramat Tunggak nomi bilan tanilgan qizil chiroqlar tumani mavjud boʻlgan. Mahalliy aholi bu qizil chiroqlar tumani tashkil etilishiga qarshi boʻlib, tashkil topganidan beri unga norozilik bildirib kelgan. 1998-yilda Jakarta gubernatori qizil chiroqlar tumanini yopish haqida qaror qabul qilgan[1]. U 1999-yil 31-dekabrda rasman yopiladi[2]. 2001-yilda Jakarta gubernatori Sutiyoso jamiyatning barcha qatlamlari ishtirokida miya hujumi (brainstorming) forumini oʻtkazdi. Jakarta Islom markazini (JIM) barpo etish gʻoyasini Sutiyoso Nyu-Yorkda professor Azyumardi Azraga (oʻsha paytda UIN Sharif Hidayatullah rektori) taklif qilgan. JIM shiori faqat masjid qurish bilangina cheklanmas edi. Ularning yakuniy maqsadi JIMni Indoneziya va Janubi-sharqiy Osiyodagi islom sivilizatsiyasining markaziy tugunlaridan biriga aylantirish edi[3].
JIM sobiq qizil chiroqlar tumani oʻrnida tashkil etilgan. Hudud 2003-yildan beri ochiq. Majmua 7 gektar yer maydonini egallaydi, unda 6 000 m2 masjid va islomiy taʼlim uchun joy mavjud[4][5]. 2003 va 2004-yillarda gubernator tomonidan chiqarilgan ikki qaror (99/2003 va 651/2004) markazning tashkiliy va ish tuzilmasini shakllantirgan[6].
Boshqa binolar
Masjid boʻlishidan tashqari, JIM islomiy diniy tadqiqotlar markazi hamdir. U, shuningdek, taʼlim, biznes va savdo infratuzilmalari bilan jihozlangan.
Mehmonxona majmuasi qurilishi 2007-yilda boshlangan boʻlib, rejalashtirilgan yer maydoni 21 452 kvadrat metrni tashkil etgan. Mehmonxona uchta binoga boʻlingan: 5 653 kvadrat metr maydondagi biznes markazi, 4 582 kvadrat metrlik konvensiya zali yoki uchrashuvlar zali, hamda 11 217 kvadrat metrlik mehmonxona/mehmon uyi. Majmua hududida taʼlim va malaka oshirish markazi ham joylashgan[7].
2022-yilhi yongʻin
2022-yil 19-oktabrda taʼmirlash ishlari paytida JIMga qarashli Jomi masjidining katta gumbazi taxminan soat 15:00 atrofida yonib, qulab tushdi, havoga quyuq qora tutun koʻtarildi. Politsiya hodisada hech kim jarohat olmaganini tasdiqlagan[8].
Yana qarang
Manbalar
- ↑ Law: SK Gubernur KDKI Jakarta No. 495/1998
- ↑ Law: SK Gubernur KDKI Jakarta No. 6485/1998
- ↑ „Masjid Jakarta Islamic Centre: Bangun Peradaban Islam dari Sejarah Kelam“. 2018-yil 31-dekabrda asl nusxadan arxivlangan. Qaraldi: 2017-yil 17-iyul.
- ↑ Louis. „Hitam Menjadi Putih“. Wisata Pesisir. Wisata Pesisir.com (2010-yil 23-mart). 2010-yil 27-martda asl nusxadan arxivlangan. Qaraldi: 2017-yil 17-iyul.
- ↑ „Kramat Tunggak, Dulu Lokalisasi Pelacuran Kini Pusat Keagamaan (Indonesian)“. Fajar Online (2010-yil 18-fevral). 2010-yil 19-fevralda asl nusxadan arxivlangan. Qaraldi: 2017-yil 17-iyul.
- ↑ „Sejarah Pembangunan Jakarta Islamic Centre, diakses dari situs islamic-center.or.id“. 2013-yil 15-yanvarda asl nusxadan arxivlangan. Qaraldi: 2017-yil 17-iyul.
- ↑ Jakarta Islamic Centre Dilengkapi Hotel, diakses dari situs pemerintahan daerah Jakarta.go.id
- ↑ „Watch: Dramatic Scene as Jakarta Mosque’s Dome Collapses in Fire“. Jakarta Globe (2022-yil 19-oktyabr). Qaraldi: 2022-yil 19-oktyabr.
Havolalar
Vikiomborda „Jakarta Islom markazi“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |