Jahon taekvondo federatsiyasi
Jahon taekvondo federatsiyasi(inglizcha: World Taekwondo) 1973-yil 28-mayda tashkil etilgan boʻlib, uning prezidenti Cho Chonvon sanaladi. 1973-yil 25—27 may kunlari Seulda birinchi jahon chempionati boʻlib oʻtdi. VTF shtab-kvartirasi va bir paytda taekvondo markazi Seulning Yandondagi qiyalik tepasida joylashgan Kukkivon (Koreya) hisoblanadi. Kukkivon 1972-yil 30-noyabrda ochilgan va 1974-yil 7-iyulda hukumat organlari roʻyxatidan oʻtgan. Kim Un Yon VTFning birinchi prezidenti boʻldi va 1980-yil 17-iyulda Butunjahon taekvondo federasiyasi Xalqaro olimpiya qoʻmitasi (XOQ) tomonidan eʼtirofga sazovor boʻldi. 2017-yil 24-iyun sanasida Butunjahon taekvondo federasiyasi oʻz nomini World Taekwondo Federation dan World Taekwondo ga oʻzgartirdi[1].
Mahorat darajalari
Gip — shogirdlik darajasi
Dan — mahorat darajasi
Attestasiya
Boshlangʻich darajadagilar oq belbogʻdan (10-gip) boshlaydi, 9-gip, keyin 8-gip va 1-gipgacha davom etadi. Oq (10 gip) dan qizil belbogʻgacha (2 gip) attestasiya odatda har uch oyda bir marta oʻtkaziladi. Qora belgili qizil belbogʻ egasi (1 gip) 1-danni olishdan oldin kamida olti oy mashq qilishi kerak. Har bir inson 3,5-4 yil ichida 1-dan qora belbogʻini olishi mumkin, bu qobiliyat, mashgʻulot chastotasi va sinov-imtihonga bogʻliq.
Belbogʻ tizimi
- 10 kip — oq belbogʻ
- 9 kip — sariq chiziqli oq belbogʻ.
- 8 kip — sariq belbogʻ.
- 7 kip — yashil chiziqli sariq belbogʻ.
- 6 kip — yashil belbogʻ.
- 5 kip — koʻk chiziqli yashil belbogʻ.
- 4 kip — koʻk belbogʻ.
- 3 kip — qizil chiziqli koʻk belbogʻ.
- 2 kip — qizil belbogʻ.
- 1 kip — qora chiziqli qizil belbogʻ.
- 1 ta pum — oʻsmir bolalar qora belbogʻining butun uzunligi boʻylab qizil va qora (18 yoshgacha),
- 1-dan— bitta oltin bezakli qora belbogʻ
- 2-dan — ikkita oltin bezakli qora belbogʻ va hokazo 9-dan.
Usta darajalari
1-3 Dan — instruktor yordamchisi
4-6 Dan — Xalqaro instruktor
7-8 Dan — Usta instruktor
9 Dan — Grandmaster
9-dan faxriy hisoblanadi, u taekvondoni yuksaltirishdagi xizmatlari uchun beriladi. Bu yuksak darajaga Qozogʻiston, Rossiya, AQSH, Indoneziya, Gonduras, Ispaniya, Xorvatiya va Pokiston prezidentlari hamda XOQ prezidentlari — Xuan Antonio Samaranch, Jak Rogge, Tomas Bax, shuningdek, BMT Bosh kotibi Pan Gi- Munlar erishgan.
Manbalar
- ↑ Dept, WTF Communications. „WTF Rebrands to World Taekwondo - World Taekwondo Federation“ (en). World Taekwondo Federation (2017-yil 24-iyun). 2017-yil 25-iyunda asl nusxadan arxivlangan. Qaraldi: 2017-yil 26-iyun.