Izidora Kosach-Borisova
| Izidora Kosach-Borisova | |
|---|---|
| Ізидора Косач-Борисова | |
| Fayl:Косач Ізидора.2.jpg | |
| Tavalludi |
Izidora Petrivna Kosach 21-mart 1888-yil Kolodyajne |
| Vafoti |
12-aprel 1980-yil (92 yoshda) Piscataway, Nyu Jersi |
| Fuqaroligi |
 Rossiya imperiyasi  SSSR  AQSH |
| Taʼlimi | Kiyev politexnika instituti |
| Kasbi | Yozuvchi, agronom, oʻsimliklar fiziologi, tarjimon, pedagog |
| Turmush oʻrtogʻi | Yuriy Grigorovich Borisov |
| Bolalari | Olga (Olesya) Yuriivna Sergiiv |
Izidora Petrivna Kosach-Borisova (ukraincha: Ізидора Петрівна Косач-Борисова; 1888-yil 21-mart – 1980-yil 12-aprel) – ukrainalik yozuvchi, olima, pedagog va tarjimon.
Hayoti
Kosach-Borisova Kolodyajne shahrida Petro Antonovich Kosach va yozuvchi Olena Pchilka oilasida tugʻilgan. Yozuvchilar Lesya Ukrainka va Olga Kosach-Krivinyuk Izidoraning opalari boʻlishgan, Mixaylo Dragomanov esa ularning amakisi boʻlgan[1]. Izidora Kiyev politexnika institutiga qabul qilingan birinchi ayollardan biri boʻlib, 1911-yilda instutning agronomiya fakultetini tamomlagan[2].
Faoliyati
Izidora Kishinyovda uzumchilik sohasida ishlagan, 1917-yildan keyin Kiyevda oʻsimliklar fiziologiyasidan dars bergan va tadqiqotlar qilgan va fransuz adabiyoti tarjimoni sifatida faoliyat yuritgan. 1937-yilda „aksilinqilobiy tashviqot“da ayblanib, ikki yil mehnat lagerida va Kiyevdagi Lukyanivska qamoqxonasida oʻtirgan[3]. Iziidora Gestapo tomonidan qamoqqa olinganidan keyin 1944-yilda qizi va opasi Olga bilan Ukrainani tark etgan[1]. Avval qochqinlar lagerlarida yashagan[4] va 1949-yilda Amerika Qoʻshma Shtatlariga koʻchib ketgan[2].
Kosach-Borisova oʻz xotiralari ham yozgan. Izidora va opasi, jurnalist Olga Kosach-Krivinyuk Lesya Ukrainkaning 100 yilligi munosabati bilan opalarining asarlarini nashr etish uchun Ukraina Sanʼat va Fanlar Akademiyasi (UVAN) bilan hamkorlik qilishgan[2][5]. Izidora Amerikadagi ukrainalik ayollar uyushmasining faxriy aʼzosi boʻlgan.
Shaxsiy hayoti
Izidora 1912-yilda Yuriy Grigorovich Borisovga turmushga chiqqan. Ularning Olga ismli qizi bor boʻlgan[6]. Eri 1941-yilda Sibir qamoqxonasida vafot etgan. Izidora 1980-yilda 12-aprelda 92 yoshida Nyu Jersidagi Piscataway shahrida vafot etgan[2]. Vafotidan keyin 1989-yilda SSSR Oliy Kengashi tomonidan „reabilitatsiya qilingan“ va koʻp oʻtmay qizi Izidoraga tegishli qoʻlyozmalarni Ukraina arxiviga topshirgan.
Manbalar
- ↑ 1,0 1,1 Haan, Francisca de. Biographical Dictionary of Women's Movements and Feminisms in Central, Eastern, and South Eastern Europe: 19th and 20th Centuries (en). Central European University Press, 2006-01-01 — 419-bet. ISBN 978-963-7326-39-4.
- ↑ 2,0 2,1 2,2 2,3 "Izydora Kosach-Borysova, Lesia Ukrainka's sister, dies" (Wayback Machine saytida 2024-08-19 sanasida arxivlangan) The Ukrainian Weekly (April 20, 1980): 2.
- ↑ Struk, Danylo Husar. Encyclopedia of Ukraine: Volume III: L-Pf (en). University of Toronto Press, 1993-12-15. ISBN 978-1-4426-5125-8.
- ↑ Isajiw, Wsevolod W.. The Refugee Experience: Ukrainian Displaced Persons After World War II (en). CIUS Press, 1992 — 208-bet. ISBN 978-0-920862-85-8.
- ↑ „"Brilliant daughter of the Ukrainian people"“ (en-US). Korsun-Shevchenkivskiy State Historical and Cultural Preserve (2021-yil 15-aprel). Qaraldi: 2024-yil 27-mart.
- ↑ „Olga Borysova Serheeva, talented artist“. The Courier-News (2001-yil 26-iyul), s. 17. Qaraldi: 2024-yil 27-mart.