Izhar Cohen

Izhar Cohen
Izhar Cohen
Tavalludi	1951-yil 13-mart (75 yosh); Tel Aviv, Isroil
Janrlar	Pop
Kasbi	Qoʻshiqchi-qoʻshiq muallifi; aktyor;
Cholgʻular	Vokal
Faoliyat yillari	1970–hozir

Izhar Cohen (ibroniycha: יִזְהָר כֹּהֵן‎, [jizˈhaʁ ˈkohen]; 1951-yil 13-martda tugʻilgan) — 1978-yilgi Eurovision qoʻshiq tanlovi gʻolibi boʻlgan isroillik qoʻshiqchi.

Hayoti

Izhar Cohen Isroilning Tel-Aviv shahrida tugʻilgan va Givataimda oʻsgan. U qoʻshiqchilar oilasidan boʻlib, ular yaman yahudiylari avlodiga mansub — Shlomo Cohen, Sara Cohen hamda Xofni, Pini va Vardina Cohen.

Qoʻshiqchilik va sahna faoliyati

Izhar Cohen bolaligidan qoʻshiq ayta boshlagan va otasining chiqishlarida unga qoʻshilgan. 18 yoshida Izhar Cohen Isroil mudofaa kuchlarining Naxal ashula va raqs ansambliga qoʻshildi. 1970-yillar davomida Izhar Cohen Isroilda eng koʻp tinglangan qoʻshiqchilardan biri boʻldi. Isroil nomidan qatnashib, u 1978-yilgi Eurovision qoʻshiq tanlovida Nurit Xirsh musiqasi va Ehud Manor soʻzlariga yozilgan „A-Ba-Ni-Bi“ qoʻshigʻini „Alfabeta“ guruhi bilan ijro etib gʻolib boʻldi^[1]. Qoʻshiq nomi — bolalar orasida mashhur boʻlgan „Bet language“ nomli til oʻyinida ifodalangan, birinchi shaxs birlik olmoshi boʻlgan ivritcha „ani“ soʻzidir.

Izhar Cohen keyinchalik yana (bu safar nomi koʻrsatilmagan bek-vokalchilar guruhi bilan birga) 1985-yilgi tanlovda Isroil nomidan „Olé, Olé“ (musiqa — Kobi Oshrat, soʻzlar — Xamutal Ben-Ze'ev [he]) qoʻshigʻini ijro etib qatnashdi va 5-oʻrinni egalladi. U 1982, 1987 va 1996-yillarda ham Isroil nomidan chiqish uchun urindi, biroq milliy tanlovda gʻolib boʻlmadi.

Izhar Cohen Xayfa teatrida aktyor boʻlib ishlagan^[2]^[3]. Uning Tel-Avivdagi Dizengoff koʻchasida zargarlik doʻkoni bor.

Izhar Cohen Niqobdagi qoʻshiqchi dasturida „Buqa“ niqobi ostida qatnashib, umumiy hisobda 10-oʻrinni egalladi.

2024-yilda Izhar Cohen Isroilning „Yulduzlar bilan raqs“ dasturida qatnashdi va 2024-yil 26-iyunda loyihani tark etdi^[4].

Yana qarang

Isroil musiqasi

Manbalar

↑ Barclay, Simon. Eurovision Song Contest - The Complete & Independent Guide 2010. Simon Barclay — 66-bet. ISBN 978-1-4457-8415-1. Qaraldi: 2011-yil 6-avgust.
↑ „1978 - A-Ba-Ni-Bi means I love you“. Eurovision Song Contest. 2016-yil 22-aprelda asl nusxadan arxivlangan. Qaraldi: 2016-yil 10-aprel.
↑ „.Izhar Cohen | Unofficial Website.“. www.izhar-cohen.eu.pn. 2016-yil 3-aprelda asl nusxadan arxivlangan. Qaraldi: 2016-yil 10-aprel.
↑ „יזהר כהן ופולינה צ'יקטונוב הודחו מ"רוקדים עם כוכבים"“. mako (2024-yil 26-iyun). Qaraldi: 2024-yil 22-iyul.

Havolalar

[Barclay-1] Barclay, Simon. Eurovision Song Contest - The Complete & Independent Guide 2010. Simon Barclay — 66-bet. ISBN 978-1-4457-8415-1. Qaraldi: 2011-yil 6-avgust.

[2] „1978 - A-Ba-Ni-Bi means I love you“. Eurovision Song Contest. 2016-yil 22-aprelda asl nusxadan arxivlangan. Qaraldi: 2016-yil 10-aprel.

[3] „.Izhar Cohen | Unofficial Website.“. www.izhar-cohen.eu.pn. 2016-yil 3-aprelda asl nusxadan arxivlangan. Qaraldi: 2016-yil 10-aprel.

[4] „יזהר כהן ופולינה צ'יקטונוב הודחו מ"רוקדים עם כוכבים"“. mako (2024-yil 26-iyun). Qaraldi: 2024-yil 22-iyul.

[1]

[2]

[3]

[4]