Ivan Malkovich
| Ivan Malkovich | |
|---|---|
 | |
| Asl ismi | Іван Антонович Малкович |
| Tavalludi |
1961-yil 10-may Nijniy Bereziv, Kosiv tumani, Ivano-Frankivsk viloyati, Ukraina SSR |
| Ijod qilgan tillari | ukrain tili |
| Fuqaroligi |
 Ukraina |
| Taʼlimi | Kiyev universiteti |
| Yoʻnalish | sheʼriyat, bolalar adabiyoti |
Ivan Antonovich Malkovich (ukraincha: Іван Антонович Малкович; 1961-yil 10-may, Nijniy Bereziv, Kosiv tumani, Ivano-Frankivsk viloyati, Ukraina SSR) – ukrainalik shoir[1], bolalar yozuvchisi[2], noshir[3]. 2017-yil Taras Shevchenko nomidagi Ukraina Milliy mukofoti laureati.
Hayoti
Malkovich Anton (Antosya) Malkovich va Galitsiya chegarasidagi shlyaxta avlodlaridan boʻlgan, Sas gerbiga mansub sulola Arsenichlardan boʻlgan Yuliya oilasida tugʻilgan[4][5].
Ivano-Frankovsk musiqa bilim yurtining skripka sinfini (1980) va T. Shevchenko nomidagi Kiyev universitetining filologiya fakultetini (1985) tamomlagan. 19 yoshida butun Ukraina yosh mualliflar seminarida ishtirok etgan va eng yaxshi shoir deb tanlangan. Uning birinchi kitobining nashr etilishini ukrainalik shoira Lina Kostenko qoʻllab-quvvatlagan.
„Oq tosh“ (ukraincha: Білий Камінь, 1984), „Kalit“ (ukraincha: Ключ, 1988), „Sheʼrlar“ (ukraincha: Вірші, 1992), „Yelkamda farishta bilan“ (ukraincha: Із янголом на плечі, 1997) sheʼriy toʻplamlari muallifi, toʻplamlarning har biri Ukrainadagi adabiy jarayonda muhim voqeaga aylangan. Bolalar uchun 30 dan ortiq kitoblar, jumladan, „Ukraina alifbosi“ va „Sevimli sheʼrlar“ muallifi va tuzuvchisi.
Kiyevda yashaydi va ishlaydi. 1992-yildan – „A-ba-ba-ga-la-ma-ga“ xususiy bolalar nashriyotining egasi va direktori. Ukraina Yozuvchilar milliy uyushmasi aʼzosi (1986-yildan, oʻsha paytda SSSR Yozuvchilar uyushmasining eng yosh aʼzosi).
Birinchi nashr etilgan kitob „Alifbo“ (ukraincha: Абетка). „Alifbo“ning oʻziga xos xususiyati shundaki, birinchi harf „farishta“ tasviri bilan ochiladi.
„Y“ jurnalining „Yaxshi ish uchun“ nishoni bilan taqdirlangan (2004).
2017-yil mart oyida „Podorojnik s novimi stixami“ sheʼriy toʻplami uchun (ukraincha: Подорожник з новими віршами) Ukraina Milliy mukofotiga sazovor boʻlgan.
Manbalar
- ↑ „Малкович Іван :: Біографія, Вірші, поезія. Клуб поезії“.
- ↑ "Малкович Іван Антонович" (uk). Encyclopedia of Modern Ukraine. Інститут енциклопедичних досліджень НАН України. https://esu.com.ua/search_articles.php?id=63143. Qaraldi: 2022-04-19.
- ↑ „Малкович Іван - Видавництво "А-БА-БА-ГА-ЛА-МА-ГА"“ (uk). Ababahalamaha.com.ua. Qaraldi: 2022-yil 16-avgust.
- ↑ „Іван Малкович: Не раз стикався, що україномовних людей трактують як аборигенів“. 2017-yil 9-aprelda asl nusxadan arxivlangan. Qaraldi: 2017-yil 8-aprel.
- ↑ „Іван МАЛКОВИЧ: «Книжки наші Президент має, але ще важливіше, що їх мають його діти».“. 2017-yil 9-aprelda asl nusxadan arxivlangan. Qaraldi: 2017-yil 8-aprel.