Ivan Goncharov

Ivan Aleksandrovich Goncharov [1812.6(18).6, Simbirsk- 1891.15(27).9, Peterburg] — rus yozuvchisi. Peterburg FA muxbir aʼzosi (1860). Moskva universitetini tugatgan (1834). Realistik proza ustasi. Dastlab romantik sheʼrlar, qissalar yozgan. „Pallada kemasi“ ocherklar turkumi (1855—57)da Osiyo va Yevropa xalqlarining turmushi, axloqi va ruhiyati aks etgan. „Oddiy voqea“ (1847), „Jarlik“ (1869) romanlari XIX asr tanqidiy realizmining eng yaxshi namunalaridir. Ularda 40—60-yillardagi rus voqeligi va davrning hayotiy tavsiflari aniq, tasvirlangan. „Oblomov“ (1859) romanida krepostnoylik munosabatlari mahsuli boʻlgan „oblomovchilik“ dangasalik, qoloqlik ramzi ekanligini, uning chuqur ijtimoiy va realistik mohiyatini ochib berdi. „Zamon zayli“ romani oʻzbek tilida nashr qilingan (1984).

Adabiyotlar

OʻzME. Birinchi jild. Toshkent, 2000-yil

Havolalar

Ushbu maqola chaladir. Siz uni boyitib, ZiyoSferaga yordam berishingiz mumkin.
Bu andozani aniqrogʻiga almashtirish kerak.