Ismayil Shixli
| Ismayil Shixli | |
|---|---|
| Tavalludi |
12-mart 1919-yil |
| Vafoti |
26-iyul 1995-yil Boku, Ozarbayjon |
| Kasbi | Yozuvchi |
| Faoliyat yillari | 1938-1995 |
| Janr | Proza |
Ismoil Shixli (ozarbayjoncha: İsmayıl Şıxlı; 1919-yil 22-mart — 1995-yil 26-iyul), tugʻilgandagi ismi Ismoil Qahramon oʻgʻli Shixlinskiy (ozarbayjoncha: İsmayıl Şıxlınski Qəhrəman oğlu), — ozarbayjonlik yozuvchi boʻlgan.
Dastlabki yillari
Shixli 1919-yil 22-martda Ozarbayjonning Qozogʻ (Qazax) tumanidagi Ikkinchi Shixli qishlogʻida tugʻilgan. U Kosalar qishlogʻida tahsil olgan. 1934-yilda Qazax pedagogika bilim yurtiga oʻqishga kirgan. Qazaxda Aleksandr Pushkin tavalludining 100 yilligi munosabati bilan oʻtkazilgan tadbirdagi nutqi davomida Samad Vurgunning "Yadimda tushdu" ("Yodimga tushdi") sheʼri unda katta taassurot qoldirgan.Oʻsha yili Shixli Boku davlat pedagogika institutiga oʻqishga kiradi. Talabalik yillarida Vurgun ijodi va oshuq xalq ogʻzaki ijodi taʼsirida koʻplab sheʼrlar yozadi. Uning ilk sheʼri — "Quşlar" ("Qushlar") 1938-yilda "Ədəbiyyat qəzeti" ("Adabiyot gazetasi")da chop etiladi. Kasbi oʻqituvchi boʻlgan Shixli qadimiy va milliy anʼanalarga oid qator kitoblar muallifidir. Uning eng mashhur asari sanalgan "Turbulent Kura" ("Asov Kura" / Dəli Kür) romani asosida 1969-yilda "Ozarbayjonfilm" kinostudiyasi tomonidan badiiy film suratga olingan.1942-yil 15-sentabrda u koʻngilli ravishda harbiy xizmatga joʻnab, 1945-yilgacha Ikkinchi jahon urushida jang qilgan.
Faoliyati
Urushdan qaytgach, u yozuvchilik faoliyatini davom ettirdi. Uning ilk romani — "Həkimin nağılı" ("Shifokor hikoyasi") 1947-yilda nashr etilgan.U 1965-yildan 1968-yilgacha Ozarbayjon Yozuvchilar uyushmasi raisi, 1976-yildan 1978-yilgacha esa "Azərbaycan" jurnali bosh muharriri boʻlib ishlagan. 1981-yildan boshlab Ozarbayjon Yozuvchilar uyushmasining birinchi kotibi lavozimida faoliyat yuritgan. Shixli Ozarbayjon SSR Oliy Kengashi deputati ham boʻlgan. Sovet va Ozarbayjon adabiyotiga qoʻshgan hissasi uchun u "Hurmat belgisi" (Sharaf), "Mehnat Qizil Bayrogʻi" va "Shohrat" ordenlari bilan taqdirlangan.Ismoil Shixli 1995-yil 26-iyulda Boku shahrida vafot etgan va Faxriy xiyobonga dafn etilgan.
Xotirasi
2019-yil 28-yanvarda Ozarbayjon Respublikasi Prezidenti Ilhom Aliyev Ismoil Shixli tavalludining 100 yilligini nishonlash toʻgʻrisidagi farmonni imzoladi.
Asarlari
"Oʻlayotgan dunyom" (Ölən Dünyam)"Asov Kura" (Dəli Kür)"Oʻliklarni qabristonga koʻming" (Ölüləri Qəbristanda basdirin)"Nomus qochogʻi" (Namus Qaçağı)"Nomard oʻqi" (Namərd Gülləsi)