Islom Alibekov

Vikipediyada ismi Islom va familiyasi Alibekov boʻlgan boshqa kishilar haqida ham maqolalar mavjud.

Islom Maybosovich Alibekov (1945-yil, 15-aprel. XXR Sin’szyan-Uygʻur muxtor tumani, Chugunchaq shahri) — teatr rassomi, Qoraqalpogʻiston xalq rassomi (1987). Olmaota badiiy bilim yurtida taʼlim olgan (1962—1969). Olmaotadagi Respublika yosh tomoshabinlar teatrida rassom (1969—1972); 1972-yildan Qoraqalpoq davlat musiqali drama va komediya teatrida bosh rassom. Alibekovning qoraqalpoq teatrlari uchun yaratgan sahna bezaklari asar ruhi va rejissor gʻoyasiga monandligi bilan ajralib turadi. Alibekovning, shuningdek rangtasvir („Q. Soipov portreti“, 1973-yil; „Uchrashuv“, 1977-yil va boshqalar), haykaltaroshlik („Baxt“, „Ertak“ — ikkalasi ham shamot, 1980-yil va boshqalar) asarlari bor. Berdaq nomidagi Qoraqalpogʻiston Davlat mukofoti laureati (1984).

Adabiyotlar

• OʻzME. Birinchi jild. Toshkent, 2000-yil