Islom.uz
| Islom.uz | |
|---|---|
| Tijoratmi | Yoʻq |
| Sayt turi | Diniy-maʼrifiy |
| Qaysi tillarda | Oʻzbek, arab, rus va ingliz |
| Muassisi | Shayx Muhammad Sodiq Muhammad Yusuf |
| Ochilgan sanasi | 2003-yil |
| Mamlakat |
 Oʻzbekiston |
| URL | islom.uz |
Islom.uz – 2003-yilda Shayx Muhammad Sodiq Muhammad Yusuf tomonidan asos solingan diniy-maʼrifiy sohada faoliyat yuritadigan internet portal.
Tarixi
Portalga 2003-yilda Shayx Muhammad Sodiq Muhammad Yusuf tomonidan asos solingan. Uning ishga tushirilishida Shayx Muhammad Sodiq Muhammad Yusufning shogirdi Adham Atajanov (Abu Muslim nomi bilan tanilgan) muhim rol oʻynagan[1].
Portalda aqida, qurʼon, hadis, fiqh, siyrat, islomning besh arkoni (imon, namoz, roʻza, zakot, haj) kabi boʻlimlar mavjud. Shunindek, unda Toshkent vaqti boʻyicha namoz vaqtlari koʻrsatiladi. Materiallar oʻzbek tilidan tashqari arab, rus va ingliz tillarida ham taqdim etiladi[2].
2019-yilda Sof.uz tomonidan oʻtkazilgan soʻrovnomada Islom.uz portali doirasida faoliyat yuritadigan „Zikr ahlidan soʻrang“ loyihasining telegramdagi kanali 16 mingga yaqin ishtirokchi orasida 30% ovoz toʻplab, "Oʻzbekistonning 2019-yildagi eng yaxshi Telegram-kanali" sifatida eʼtirof etilgan[3].
Takomillashuv
2018-yilda portalining mobil ilovasi yaratilgan. Ilovada namoz va roʻza jadvallari, qibla yoʻnalishini aniqlash, „Hilol“ elektron kutubxonasi, „Zikr ahlidan soʻrang“ savol-javob xizmati, „Oʻzbekiston masjidlari“ boʻlimi va Islom.uz radiosini kabi xizmatlar joy olgan[4]. 2023-yilga kelib portalning quyidagi mobil ilovalari ishlab chiqilgan:[5]
- Islom.uz
- Hilol e-book
- Oltin silsila
- Qurʼoni Karim
- Tafsiri Hilol
- Zikr ahlidan soʻrang
- Abdurahmon Qurʼon
- Abdulmalik Qurʼon
- Qurʼon tartili
- Namoz
- Zikr va duolar
- Javohir (arabcha-oʻzbekcha lugʻat).
Manbalar
- ↑ Shuhrat Shokirjonov. „Shayx Muhammad Sodiq Muhammad Yusufning shogirdi 24 yildan buyon O‘zbekiston fuqaroligini kutmoqda“. Kun.uz (2018-yil 11-fevral). Qaraldi: 2025-yil 13-aprel.
- ↑ „Islom.uz портали ҳақида“. Islom.uz. Qaraldi: 2025-yil 13-aprel.
- ↑ „Onlayn so‘rovnoma: O‘zbekistondagi eng yaxshi internet-nashr, bloger va Telegram-kanal aniqlandi“. Kun.uz (2019-yil 11-noyabr). Qaraldi: 2025-yil 13-aprel.
- ↑ „“Islom.uz” portalining mobil dasturi ishga tushirildi“. Daryo.uz (2018-yil 21-may). Qaraldi: 2025-yil 13-aprel.
- ↑ „Islom.uz portalining mobil ilovalari taqdimoti bo‘lib o‘tdi“. Kun.uz (2021-yil 28-mart). Qaraldi: 2025-yil 13-aprel.