Ishlab chiqarish sanitariyasi

Ishlab chiqarish sanitariyasi — sanitariyannng bir boʻlimi; sogʻlom va xavfsiz mehnat sharoitini taʼminlashga qaratilgan sanitariya sogʻlomlashtirish chora-tadbirlarini ishlab chiqadi va hayotga tatbiq etadi. Kasb kasalliklarining oldini olish, shuningdek, korxona va u joylashgan hududda sanitariyagigiyena normalariga bekamu-koʻst rioya qilish, ishchilarning ish joylarini yoritish, isitish, shamollatish (ventilyasiya) va gigiyena talablari darajasida boʻlishini taʼminlash masalalari bilan shugʻullanadi. Bulyrdan tashqari, havodagi chang , kimyoviy moddalar miqdori , vibratsiya kuchi, shovqin, harorat, namlik va bularning normada boʻlishini nazorat qiladi. Korxona kurilishi va ishchilarga topshirilishigacha boʻlgan jarayonlarda sanitariya normalari va gigiyena kridalariga asoslangan holda ish yuritadi. Ishchilarga zararsiz va xavfsiz mehnat sharoitini yaratish, ishchilarda xavfsizlik texnikasining zamonaviy vositalarini qoʻllash korxona rahbariyati zimmasida boʻlib, ular davlat tomonidan belgilangan maxsus normativlarga asoslangan holda ish koʻrishlari talab etiladi. Korxona, muassasa, tashkilotlarning gigiyena normalariga, sanitariyagigiyena qoidalari va ularga qanday rioya qilinayotganligi ustidan davlat sanitariya nazorati organlari, asosan, sogʻliqni saqlash idoralari va vazirliklari, shuningdek, kasaba uyushmalari hamda texnika va huquq mehnat inspeksiyalari nazorat qiladi.