Kontent qismiga oʻtish

Irina Bekeshkina

ZiyoSfera, erkin ensiklopediya
Irina Bekeshkina
Ірина Бекешкінa
Tavalludi 4-fevral 1952-yil[1]
Ivdel, Sverdlovsk viloyati, RSFSR, Sovet Ittifoqi
Vafoti 20-mart 2020-yil(2020-03-20)
(68 yoshda)[1]
Kiyev, Ukraina
Sohasi sotsiologiya
Ish joylari

Irina Erikivna Bekeshkina (ukraincha: Ірина Ериківна Бекешкінa; 1952-yil 4-fevral – 2020-yil 20-mart[1]) ukrainalik sotsiolog. U 2010-yildan 2020-yilgacha Ilko Kucheriv nomidagi Demokratik tashabbuslar jamgʻarmasirahbari boʻlib ishlagan. Bekeshkina ukraina jamiyati va siyosatini oʻrganish bilan shugʻullangan. Shuningdek, u ommaviy axborot vositalarida sharhlovchi va siyosiy maslahatchi sifatida ishtirok etgan[2].

Hayoti

1974-yilda Bekeshkina Taras Shevchenko nomidagi Kiyev davlat universitetini falsafa yoʻnalishi boʻyicha tamomlagan[3]. Keyin u SSSR Fanlar akademiyasi huzuridagi Falsafa institutida aspiranturani muvaffaqiyatli yakunlagan[3].

Irina Bekeshkina Ukraina yetakchi falsafiy jurnallaridan biri boʻlgan „Filosofska dumka“ („Falsafiy fikr“) jurnalining ilmiy muharriri lavozimida ishlagan[3]. 1977-yilda u SSSR Fanlar akademiyasida ilmiy xodim sifatida ish boshlagan, 1990-yildan esa Ukraina Milliy fanlar akademiyasi Sotsiologiya institutida ilmiy tadqiqotchi sifatida faoliyat yuritgan[3].

Irina Bekeshkina 1996-yilda Ilko Kucheriv nomidagi Demokratik tashabbuslar jamgʻarmasida ish boshladi[3]. U yerda u asosan siyosat va saylovlar sotsiologiyasiga oid tadqiqotlar olib borgan va ilmiy ishlarini nashr ettirgan[2]. Uning asosiy ilmiy qiziqishlari Ukraina siyosatiga bagʻishlangan edi[4].

2010-yilda Irina Bekeshkina Demokratik Tashabbuslar jamgʻarmasi rahbari etib tayinlangan va vafotigacha (2020-yilgacha) ushbu tashkilotni boshqargan[5]. Shuningdek, u „Ukrainian Think Tanks Liaison Office“ (Ukraina tahlil markazlarini muvofiqlashtirish byurosi) kengashi aʼzosi boʻlgan[6], shu bilan birga Media Director nodavlat tashkiloti (Ukraina OAVlarini kuzatuvchi tashkilot) bilan hamkorlik qilgan[7].

2007-yilda Focus jurnali Irian Bekeshkinani Ukraina davlatidagi 38-eng nufuzli ayol deb eʼlon qilgan[8], 2008-yilda esa 51-oʻrinni egalladi[9]. Jurnal bu reytinglarni tushuntirishda uning siyosiy axborot va Ukraina tashqi siyosatini oʻrganish sohasidagi ommaviy ishlarini asos qilib koʻrsatgan[8][9]. Irina Bekeshkina 2018 va 2020-yillarda u HB jurnali tomonida tuzilgan „Ukrainaning 100 ta eng muvaffaqiyatli ayollari“ roʻyxatiga ham kiritilgan[10][11][12].

2020-yil 20-mart kuni Irina Bekeshkina Kiyevda oshqozon saratoni kasalligidan vafot etgan.

2022-yil noyabr oyida Ukraina poytaxti Kiyevda „derusifikatsiya“ (rus taʼsirini kamaytirish) dasturi doirasida Dmitriy Karbishev koʻchasi Irina Bekeshkina koʻchasi deya qayta nomlandi[13].

Mukofotlari

Manbalar

  1. ↑ 1,0 1,1 1,2 „Iryna Bekeshkina“. Institute Sociology NAS of Ukraine. Qaraldi: 2020-yil 10-oktyabr.
  2. ↑ 2,0 2,1 „Померла Ірина Бекешкіна – відома українська соціологиня“ (uk). 24TV (2020-yil 21-mart). Qaraldi: 2020-yil 8-oktyabr.
  3. ↑ 3,0 3,1 3,2 3,3 3,4 „Бекешкіна Ірина Еріківна“ (uk). National Academy of Sciences of Ukraine Institute of Sociology. 2020-yil 21-martda asl nusxadan arxivlangan. Qaraldi: 2020-yil 8-oktyabr.
  4. ↑ „Who is Iryna Bekeshkina?“. Democratic Initiatives Foundation (2019-yil 8-avgust). Qaraldi: 2020-yil 8-oktyabr.
  5. ↑ „Iryna Bekeshkina“. Democratic Initiatives Foundation (2020). 2020-yil 15-oktyabrda asl nusxadan arxivlangan. Qaraldi: 2020-yil 8-oktyabr.
  6. ↑ „Leading Ukrainian sociologist Iryna Bekeshkina passed away“. Ukrainian Think Tanks Liaison Office (2020). 2020-yil 12-oktyabrda asl nusxadan arxivlangan. Qaraldi: 2020-yil 8-oktyabr.
  7. ↑ „Leading Ukrainian sociologist Iryna Bekeshkina passed away“. Ukrainian Think Tanks Liaison Office (2020). 2020-yil 12-oktyabrda asl nusxadan arxivlangan. Qaraldi: 2020-yil 8-oktyabr.
  8. ↑ 8,0 8,1 „Ирина Бекешкина“ (uk). Focus Magazine (2007-yil 8-noyabr). Qaraldi: 2020-yil 8-oktyabr.
  9. ↑ 9,0 9,1 „Ирина Бекешкина“ (uk). Focus Magazine (2008-yil 2-oktyabr). Qaraldi: 2020-yil 8-oktyabr.
  10. ↑ „Науковиці Академії ввійшли до топ-100 найуспішніших жінок України“ (uk). National Academy of Sciences of Ukraine (2018-yil 23-mart). Qaraldi: 2020-yil 8-oktyabr.
  11. ↑ „Топ-100 успішних жінок України“ (uk). HB. 2020-yil 21-martda asl nusxadan arxivlangan. Qaraldi: 2020-yil 8-oktyabr.
  12. ↑ „Антикорупціонерки, соціологині і блогерки. Топ-14 найвпливовіших громадських діячок в Україні“. HB (2020-yil 6-mart). Qaraldi: 2020-yil 8-oktyabr.
  13. ↑ „Kyiv, another 11 streets were derusified, Kateryna Gandzuk was immortalized“ (Ukrainian). Ukrayinska Pravda (2022-yil 10-noyabr). Qaraldi: 2022-yil 10-noyabr.
  14. ↑ „Iryna Bekeshkina“. Wilson Center. Qaraldi: 2020-yil 8-oktyabr. 


"https://ziyosfera.uz/index.php?title=Irina_Bekeshkina&oldid=508964" dan olindi