Invariantlik

Invariantlik — obʼyektning maʼlum oʻzgartirgichlarga yoki fizikaviy sharoitlarga nisbatan oʻzgarmasligi, mustaqilligi. Lorens almashtirishida nisbatan oʻzgarmas qolgan kattaliklar Lorens invariantligi deyiladi. Toʻrt oʻlchamli interval shunday kattalikka misol boʻla oladi (qarang Nisbiylik nazariyasi). I. tushunchasining muhimligi shundaki, uning yordamida koordinatalar tizimini tanlashga bogʻliq boʻlmagan va tekshirilayotgan obʼyektning ichki xossasini tasniflaydigan kattalikni ajratish mumkin. Biror oʻzgartirgichga nisbatan fizikaviy tizimlarning harakat tenglamalari invariantligi saqlanish qonuniga bogʻlik (yana q. Invariantlar).