Industrial
| Industrial | |
|---|---|
| Uslubiy ildizlari: | Musique concrete, Fluxus harakati, Elektronik musiqa, Noise |
| Madaniy ildizlari: | Erta 1970-lar, London, Sheffild, Birlashgan Qirollik, Olmoniya, Vankuver, Klivlend, Chikago |
| Xos cholgʻu asboblari: | Sintezator - Baraban mashinasi - Tasma - Barabanlar - Gitara - Topilmalar - Elektronika - Sampler |
| Mashhurligi: | Shinavandalar uchun |
| Yaqin janrlar: | Techno - IDM - Trance - Synth pop - Futurepop - Glitch |
| Fusion janrlar | |
| EBM - Industrial metal - Industrial rock - Cybergore | |
| Aloqador mavzular | |
| Mashhur artistlar - Noisechilar roʻyxati - Elektronik musiqa janrlari roʻyxati | |
Industrial musiqa (sanoat musiqasi) — qator elektronik va tajribaviy musiqa janrlari yigʻindisini belgilovchi atama. Ilk bor 1970 yillar oʻrtalarida oʻsha payt uchun gʻayriodatiy boʻlmish Idustrial Records musiqalari shunday nomlana boshlandi. Bu soʻz avangard musiqadan (Throbbing Gristle, Einstürzende Neubauten, Coil va Laibach kabilar) tortib noise loyihalar (Merzbow yoki Whitehouse), EMB (DAF, Front 242, Skinny Puppy, Front Line Assembly va Nitzer Ebb), Industrial rock (KMFDM, Nine Inch Nails), sanoat metallgacha (Ministry yoki Godflesh) yoki hatto William S. Burroughs va J.G. Ballard kabi yozuvchilarni taʼriflashda ham ishlatiladi.
Atama bu musiqa yangi avlod odamlari uchun yaratilganini, avvalgi musiqa esa koʻproq "qishloqi" ekanligini urgʻulash maqsadida kiritilgandi. Xususan, u bu musiqa tayyorlanishi jarayonini anglatish uchun xizmat qilgan boʻlishi ham mumkin, biroq hozir koʻpchilik bu soʻzni ogʻir mashinasozlik sanoati va insonning ichki olami orasidagi estetik munosabatlarning koʻrinishi, deb tushunadi. Bu mavzuda Peter Christopherson (Industrial Records) "Industrial Recordsʼning oʻsib kelayotgan musiqa sanoatini rad etish haqidagi gʻoyasidan maqsad sizga musiqaning nima uchun moʻljallangan ekanligini aytish edi", degan.
Tarix
Dastlabki alomatlar
Luigi Russolo'ning 1913 yilgi Shovqinlar sanʼati asari zamonaviy musiqa industrial falsafasining ilk namunasi, deya eʼtirof etiladi. Russoloʻning musica futurista'sidan soʻng Pierre Schaeffer va musique concrète keldi va bu tovush yozilgan tasmalarning qirqimlari bilan manipulyaciya qiluvchi hamda dastlabki analog elektronik qurilmalar yordamida tovush hosil qilib qoʻshuvchi ibtidoiy industrial musiqa paydo boʻlishiga turtki boʻldi.
Janr rivojlanishidagi yana bir muhim harakatlar Dadaizm va Fluxus edi. Masalan, Erik Satie'ning Sons industriels ("Sanoat tovushlari", 1920) asari taʼsiri.
Edgard Varèse ham elektronik musiqada kashshoflardan boʻlgan. Masalan, uning Poème électronique asari 1958 Brussel Jahon Yarmarkasidagi Philips pavilyonida namoyish etilgan.
| Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |