Imom Hasan al-Askariy masjidi
| Masjid | |
 | |
| Masjid 2015-yilda | |
| Mamlakat |  Eron
|
| Hudud | Qum ustoni |
| Joylashuvi | Qum (shahar) |
| Yoʻnalishi | shia |
| Meʼmoriy uslub | Islom meʼmorchiligi |
| Binokorlik sanasi | IX asr 2015-yil (hozirgi inshoot) |
| Gumbazlar soni | 1 |
| Gumbazlar soni | 1 |
| Minoralar soni | 2 |
| Minoralar soni | 2 |
| Minoralar balandligi | 59 m (194 ft) |
Imom Hasan al-Askariy masjidi (forscha: مسجد امام حسن عسگری; arabcha: مسجد الإمام الحسن العسكري), shuningdek, Imom Hassan al-Asgariy masjidi yoki soddagina Al-Askariy masjidi deb ham ataladi, shia masjidi va maqbarasi boʻlib, Eronning Qum ustonidagi Qum shahrida joylashgan. Ahl ul-Baytning 11 va 12-imomining otasi boʻlgan Hasan al-Askariy nomi bilan atalgan.
Keyinchalik taʼmirlanib kengaytirilgan IX asrga oid dastlabki inshoot Eronning eng qadimiy masjidlaridan biridir. Masjid 1978-yil 9-yanvarda Eron milliy merosi roʻyxatiga kiritilgan boʻlib, Eronning Madaniy meros, hunarmandchilik va turizm tashkiloti tomonidan boshqariladi.
Tarixi
Masjid milodiy IX asrda Ahmad ibn Isʼhoq Ashʼariy Qumiy tomonidan qurilgan. U Ashʼariy ilohiyotshunosi va hadislarning shia roviylaridan edi[1]. Asrlar davomida masjid bosqichma-bosqich ravishda qayta qurilib, kattaroq shaklga keltirildi[2][3]. Safaviylar 1717-yilda masjidni taʼmirlagan, biroq bu taʼmirlashdan qolgan yagona iz masjidning janubiy ayvonidir[3][2]. Qojarlar davrida 1869-yilda masjidning gʻarbiy tomonida yertoʻla va zal qurilgan[3][2]. Oradan 9 yil oʻtib, masjidning gʻarbiy burchagiga zal va yertoʻla qoʻshib qurilgan[3][2]. Eron inqilobi yakunlangach, Muhammad-Rizo Golpaygoniy tomonidan yangi qayta qurish rejasi ishlab chiqilgan[4] va masjid 2015-yilda qayta ochilgan[3][2].
Maqbara
Kirish qismining janub tomonida Qojarlar davrida ayrim taʼmirlash ishlarida yordam bergan, yoshi ulugʻ ruhoniy „Hoji Ali an-Naqiy“ nomli mashhur shaxsning qabri bor[2]. Qayta qurish ishlaridan oldin uning qabri toʻrt ravoqli eski maqbara ichida boʻlgan[2].
Galereya
-
2018-yilda masjidning havodan olingan surati -
Masjidning old tomondan ko‘rinishi -
Masjid ichkari qismi -
Masjiddagi yo‘lak shiftida osilgan ayrim qandillar -
Masjid tashqarisidagi norozilik namoyishi, odamlar bu norozilikning diniy emas, faqat madaniy maqsadlarga qaratilganini bildiruvchi bannerlarni ko‘tarib turgan -
Masjidning tunda koʻrinishi -
Masjid tashqarisidagi g‘azablangan olomon
.jpg)
.jpeg)
Yana qarang
Manbalar
- ↑ „arxiv nusxasi“ (fa-IR). alaedin.travel. 2019-yil 13-dekabrda asl nusxadan arxivlangan. Qaraldi: 2023-yil 25-dekabr.
- ↑ 2,0 2,1 2,2 2,3 2,4 2,5 2,6 „fa:مسجدی که بدست وکیل امام حسن عسکری(ع) در قم بنا شد“ (fa-IR) (2013-yil 19-fevral). Qaraldi: 2023-yil 25-dekabr.
- ↑ 3,0 3,1 3,2 3,3 3,4 „fa:سیمای مسجد امام حسن عسکری(ع)“ (fa-IR). hawzah.net. Qaraldi: 2023-yil 25-dekabr.
- ↑ „arxiv nusxasi“ (fa-IR). qunoot.net. 2023-yil 25-dekabrda asl nusxadan arxivlangan. Qaraldi: 2023-yil 25-dekabr.
Havolalar
Vikiomborda „Al-Askari masjidi, Qum“ mavzusi boʻyicha mediafayllar bor.
