Ibrohim al-Mavsiliy
| Ibrohim al-Mavsiliy | |
|---|---|
| Tavalludi |
742 |
| Vafoti |
804 Bagʻdod |
| Kasbi | musiqachi, bastakor |
Abu Isʼhoq Ibrohim al-Mavsiliy (arabcha: أبو إسحاق إبراهيم الموصلي; 742–804) – asli kelib-chiqishi fors millatiga mansub boʻlgan musiqachi, ilk Abbosiylar davrining eng buyuk bastakorlaridan biri[1]. Ray shahrida arab va fors musiqasi boʻyicha tahsil olgach, Abbosiylar xalifaligi poytaxti Bag‘dod shahriga chaqirilgan va u yerda ketma-ket uch xalifa: al-Mahdiy, al-Hodiy va Horun ar-Rashid saroyida xizmat qilgan. Ayniqsa, Horun ar-Rashid bilan yaqin munosabatda boʻlib, oʻz zamonasining yetakchi musiqachisiga aylangan. Uning shogirdlari orasida Muxoriq, Zalzal va Ziryob kabi mashhur musiqachilar boʻlgan. Abu Is’hoqning nomi „Ming bir kecha“ rivoyatlarida tilga olinadi[2]
Hayoti va faoliyati
Abu Is’hoq Kufa shahrida tugʻilgan. Yoshligida ota-onasidan ayrilgan va amakisining qoʻlida tarbiyalangan[2]. Oradan bir yil oʻtgach, Ray shahriga borib, u yerda xalifa al-Mansurning elchisini uchratgan, bu esa unga Basraga kelib, qoʻshiqchilik saboqlarini olish imkonini bergan. Abu Is’hoqni ilm emas, balki qoʻshiq aytish koʻproq jalb qilgan va yigirma uch yoshida Mosulga qochib, u yerda erkin yashovchi yoshlardan iborat bir guruhga qoʻshilgan. Uning qoʻshiqchilikdagi shuhrati tez orada yoyilgan va xalifa al-Mahdiy uni saroyiga chaqirgan. Abu Is’hoq al-Hodiy davrida ham saroyda uning sevimli kishilaridan boʻlgan, shuningdek, Horun ar-Rashid uni doimiy ravishda oldida olib yurgan. Abu Is’hoqning vafotidan soʻng esa xalifa oʻgʻli al-Maʼmunga marhum uchun duo qilishni buyurgan[3][4][1].
Manbalar
- ↑ 1,0 1,1 Fück 1986.
- ↑ 2,0 2,1 Neubauer 2001a.
- ↑ Thatcher 1911.
- ↑ Fatema Mernissi, "The Forgotten Queens of Islam ", University of Minnesota Press, 1997 pg 55: „Ibrahim al-Mawsili and his son were of Persian origin.“