Ibrohim Komilov
| Ibrohim Komilov | |
|---|---|
| Tavalludi |
18-may 1928-yil |
| Vafoti |
2002-yil Fargʻona viloyati, Rishton tumani |
| Fuqaroligi |
 Oʻzbekiston |
| Kasbi | Kulol |
| Mukofotlari |
   |
Ibrohim Komilovich Komilov (1928-yil 18-may, Rishton tumani – 2002-yil Rishton tumani) – kulol, naqqosh, kullollar sulolasining yettinchi avlodi Oʻzbekiston SSR xalq rassomi (1973), SSSR davlat mukofoti laureati, Oʻzbekiston xalq ustasi (1998).
Hayoti
Ibrohim Komilov 1928-yil 18-mayda Oʻzbekiston SSR Fargʻona okrugi, Rishton shahrida tavallud topgan[1]. Ptasi – Usto Komil va uning ukalari: Usto Dodo va Usto Madamin (Mulla Madamin Oxun), shuningdek, XIX asrda mashhur ustalaridan boʻlgan Bobo Xoji Mirsalimov shogirdi rishtonlik usta Usto Mirsodiqdan tahsil olgan. Usta 60 yil davomida Rishton keramika zavodida faoliyat yuritgan. Kulolchilikning turli yoʻnalishlari, chinnipazlik, chizmalar, shakl va turli xil kulolchilik uchun zarur boʻlgan loy qorishmalari texnologiyalari boʻyicha eng mashhur ustalardan biri boʻlgan.
Kulolchilik uchun ishqor loyini yanada mukammallashtirish va uni ishlab chiqarish bilan shugʻullangan. Toshkentdagi Baranov keramik artelida taʼlim olgan. Rigada ijodiy safarda boʻlgan. Oʻzbekistondagi va xorijiy koʻrgazmalarning faol ishtirokchisi hisoblanadi. Ustaning ijodiy ishlari Oʻzbekiston Davlat muzeyi, Oʻzbekiston Badiiy akademiyasi Badiiy koʻrgazmalar direksiyasi, Fargʻona viloyati muzeyi, Moskva Sharq sanʼati muzeyi, Sankt-Peterburg etnografiya muzeyi, Davlat Ermitaji va xorijiy toʻplamlarda uchraydi.
1970-yildan Rishton keramika zavodida rassom sifatida ishlagan. Komilov qadimgi Rishton kulollik maktabi anʼanalarini qayta tiklashga katta hissa qoʻshdi va uning yangi, chidamli va nafis namunalarini yaratdi. U yaratgan buyumlar (lagan, kosa, shokosa, piyola, guldon va boshqalar) havo rang koloriti, oʻziga xos uslublashtirilgan naqshlari va hayvonlarning ramziy shakllari bilan ajralib turadi. Komilov anʼanaviy uslubda tayyorlagan koshinlar zamonaviy binolarni bezab turibdi, asarlaridan namunalar respublika va xorijdagi muzeylarda, shaxsiy toʻplamlarda saqlanadi (jumladan, Yaponiyadagi eng yirik kulollik toʻplamlaridan keng oʻrin olgan).
Ibrohim Komilov – Rishtondagi hashar yordamida qurib bitirilgan XII asrning mashhur islom dini targʻibotchisi Burhoniddin Margʻinoniy maqbarasini bezatib turgan yogʻoch oʻymakorligi dizaynini muallifi sanaladi.
1950-yildan respublika va chet mamlakatlardagi koʻrgazmalarda asarlari bilan ishtirok etadi. Oʻzbekiston Badiiyot akademiyasi Oltin medali bilan mukofotlangan (2002)[2].
1997-yildan beri „Hunarmand“ Oʻzbekiston xalq ustalari Uyushmasi aʼzosi.
Bolalari
- Qizi – Xalima Ergasheva, usta-kulol, kulolchilikning barcha jarayonlari va tayyorlash
texnikalaridan xabardor.
- Oʻgʻli – Komilov Ismoiljon, usta-kulol, kulolchilikning barcha jarayonlari va tayyorlash
texnikalaridan xabardor.
- Oʻgʻli – Komilov Isroil, usta-kulol, kulolchilikning barcha jarayonlari va tayyorlash
texnikalaridan xabardor.
- Oʻgʻli – Komilov Muzaffar, usta-kulol, kulolchilikning barcha jarayonlari va tayyorlash
texnikalaridan xabardor.
- Oʻgʻli —Komilov Sharofiddin, usta-kulol, kulolchilikning barcha jarayonlari va tayyorlash
texnikalaridan xabardor.
Mukofotlari
- „Oʻzbekiston xalq artisti“ (1973)
- SSSR Davlat mukofoti laureati (1983))
- "Oʻzbekiston mehnat shon-sharaf kitobi „Mehnat“da (1984) yozilgan.
- UNESCO BMTTDning „Ustoz-shogird“ dasturi aʼzosi (1996)[3].
- „Oʻzbekiston xalq ustasi“ (1998)
- Oʻzbekiston Badiiy akademiyasining Oltin medali bilan taqdirlangan (2002).
Manbalar
- ↑ „O’zbekiston xalq rassomi Ibrohim Komilov tavallud topgan kun“. 2023-yil 9-iyunda asl nusxadan arxivlangan. Qaraldi: 2023-yil 9-iyun.
- ↑ OʻzME. Birinchi jild. Toshkent, 2000-yil
- ↑ Указ Президента Республики Узбекистан от 27 avgust 1998 года № УП-2072 «О награждении в связи с семилетием независимости Республики Узбекистан группы государственных служащих, работников производства и социально-экономической сферы»
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Oʻzbekistonlik shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |