Ibn Muhriz
| Ibn Muhriz | |
|---|---|
| Tavalludi | VII–VIII asrlar |
| Vafoti | taxminan 757 |
| Kasbi | musiqachi, qoʻshiqchi |
Abu al-Xattob Muslim ibn Muhriz (tax. 757-yilda vafot etgan), shuningdek, Salm va Abdulloh deb ham ataladi[1], Arabistonning Makka shahrida ijod qilgan taniqli musiqachisi va qoʻshiqchi[2].
Asli fors millatiga mansub Abu al-Xattob Banu Abduddor yoki Banu Maxzum qabilasidan ozod qilingan qul boʻlgan[1]. Otasi Kaʼba darvozabonlaridan edi[1]. Ibn Muhriz musiqa boʻyicha dastlab Ibn Misjaddan, keyinchalik Azza al-Mayladan taʼlim olgan[2]. Soʻngra tahsilini Eron va Suriyada davom ettirgan[2]. Ibn Muhriz moxov kasalligidan aziyat chekkan, shu sababli omma oldida koʻp chiqish qilmaslikni afzal koʻrgan[2]. Uning asarlarini, odatda, kanizak qul ijro etgan[2]. Sogʻligidagi muammolar sababli Ibn Muhriz hech qachon Damashqdagi Umaviylar saroyida xizmat qilmagan bo'lishi mumkin, ammo X asr tarixchisi Masʼudiy tomonidan yozilgan maʼlumotlar uning xalifa Al-Volid II (h. 743–744) hukmronligi davrida saroyda xizmat qilgan boʻlishi mumkinligini ko'rsatadi[2].