Huvaydo mahallasi (Shayxontohur tumani)
Huvaydo mahallasi – Oʻzbekiston Respublikasi Toshkent shahar Shayxontohur tumanida joylashgan mahallalardan biri. Boʻston, Sh. Shoyusupov mahallalari bilan chegaradosh.
Tarixi
1962-yilda tashkil etilgan. Mahalla nomi XVIII asrda yashagan shoir Xoʻjanazar Gʻoyibnazar oʻgʻli Huvaydo sharafiga qoʻyilgan.
Mahalla tuzulishi
Mahallada 3 100 kishi istiqomat qiladi, aholining etnik tarkibi asosan oʻzbeklar (98 %). Mahalla hududida oʻrta maktab, 39-oilaviy poliklinika, bolalar bogʻchasi, „Huvaydo“ jome masjidi, 2 ta oziq ovqat doʻkoni joylashgan. Mahalla guzarida otalar choyxonasi, nuroniylar istirohat bogʻi mavjud. Uning markazida 2-jahon urushida halok boʻlganlarga yodgorlik oʻrnatilgan. Mahallada Oʻzbekiston xalq shoiri Poʻlat Moʻmin istiqomat qilgan. Oʻzbekiston xalq shoiri, „Oʻzbekiston Qahramoni“ Erkin Vohidov, Oʻzbekistonda xizmat koʻrsatgan fan arbobi, professor Manzura Hamidova va yozuvchi Alp Jamol shu mahallada yashashgan. Fotih Asqarov va Obidxoʻja Ortiqxoʻjayev tomonidan „Mening mahallam Huvaydo“ kitobi (2003) nashr etilgan.[1]
Manbalar
- ↑ Toshkent ensiklopediyasi 2009, s. 762.
Adabiyotlar
Toshkent.Ensikopediya. Toshkent: Oʻzbekiston, 2009 — 780-bet.