Husayn Aminov
| Husayn Aminov | |
|---|---|
| Husayn Jumayevich Aminov | |
| Tavalludi |
2-oktyabr 1946-yil |
| Fuqaroligi | Tojikiston |
| Taʼlimi | Abu Ali ibn Sino nomidagi Tojikiston davlat tibbiyot instituti |
| Kasbi | Shifokor |
| Faoliyat yillari | 1969-yildan hozirgacha |
| Unvoni | Professor |
Husayn Aminov (Husayn Jumayevich Aminov; 1946-yil 2-oktyabr, Qiziltepa tumani, Buxoro viloyati)[1] – pediatr, tibbiyot fanlari doktori (2006), professor (2012).
Tarjimayi holi
Husayn Aminov 1946-yilda Buxoro viloyati Qiziltepa tumanida tugʻilgan. 1969-yilda Abu Ali ibn Sino nomidagi Tojikiston davlat tibbiyot institutini tamomlagan[2]. 1969—1971-yillarda Qoʻrgʻontepa (hozirgi Boxtar) viloyat kasalxonasida bolalar kasalliklari shifokori, 1971—1974-yillarda Kofirnihonning Vahdat shahridagi kasalxona pediatri va bosh shifokori, 1974—1976-yillarda Abu Ali ibn Sino nomidagi Tojikiston Davlat tibbiyot instituti pediatriya fakulteti klinik ordinatori. Oʻqishni bitirgandan soʻng 1976—1978-yillarda Dushanbe shoshilinch tibbiy yordam brigadasi bolalar reanimatsiyasida assistent sifatida faoliyat yuritgan. 1978—2003-yillarda Tojikiston davlat tibbiyot instituti qoshidagi 1-sonli bolalar kasalliklari muassasasi kafedrasi mudiri, katta oʻqituvchi. 2003—2006-yillarda Jumhurii Tojikiston Sogʻliqni saqlash Vazirligi qoshidagi ona va bola tibbiyoti tashkiloti ilmiy mudiri. 2007—2008-yillarda Abu Ali Ibni Sino nomidagi Tojikiston davlat tibbiyot universiteti dotsenti. 2008-yildan buyon mazkur taʼlim dargohida boʻlim boshligʻi lavozimida ishlab kelmoqda[3].
Ilmiy faoliyati
Noqulay ekologik sharoitlarda bolalar kasalliklari va oʻlimida adaptiv immunitet muammosi, Tojikistondagi yosh bolalarda infeksiyani klinik va bakteriologik taqqoslash, nefropatiyali onalardan tugʻilgan bolalarda moslashishning birinchi davri xususiyatlari boʻyicha ilmiy tadqiqot ishlari olib borgan. 40 dan ortiq ilmiy ishlar va maqolalar, tezislar, shifokorlar uchun 5 ta uslubiy tavsiyalar muallifi. „Abu Ali ibn Sinoning 1025 yilligi“ medali (2006) va turli mukofotlar bilan taqdirlangan.
Manbalar
- ↑ „Ҷойи ӯ дар дилҳост...“ (2021-yil 30-avgust). Qaraldi: 2023-yil 13-iyul.
- ↑
ДАРГУЗАШТИ ПРОФЕССОР ҲУСЕЙН АМИНОВ – ЯКЕ АЗ БЕҲТАРИН ТАБИБОНИ ТОҶИК YouTubeda
- ↑ Huseyn Ҷumʼaevich Aminov