Huriyat Isroilova

Isroilova Xuriyat Ismagilovna
Tavalludi	1955-yil Qarshi shahri, Qashqadaryo viloyati, Oʻzbek SSR
Fuqaroligi	SSSR→ Oʻzbekiston
Kasbi	aktrisa
Faoliyat yillari	1970—hozirgacha
Mukofotlari	, Madaniyat va sanʼat fidokori koʻkrak nishoni

Isroilova Xuriyat Ismagilovna – oʻzbek teatr aktrisasi, Oʻzbekiston Respublikasida xizmat koʻrsatgan artist (2021). Mulla Toʻychi Toshmuhamedov nomidagi Qashqadaryo viloyat musiqali drama teatri birinchi toifali vokal artisti. 100 dan ortiq spektakllarda rol ijro etgan. „MIT – Mostra Internacional de Teatro“ nomli IV xalqaro teatrlar festivali gʻolibasi.

Hayoti

Xuriyat Isroilova 1955-yil Qashqadaryo viloyatining Qarshi shahrida tugʻilgan. Shahardagi maktablardan birida tahsil olgach, 1974-yilda Toshkent davlat teatr va rassomchilik institutining kino va drama yoʻnalishiga sirtqi shaklida oʻqishga qabul qilinadi. Oliygohni 1979-yilda tamomlagach, Qashqadaryo teatriga ishga kiradi.

Faoliyati

Teatrga 8 yoshidan boshlab rol ijro etishni boshlagan. Ilk roli 1963-yilda 8 yoshligida „Oʻgay ona“ spektaklida Dono rolida rol ijro etgan. 15 yoshidan Qarshi shahrining „Eski shahar“ hududida joylashgan teatrga ishga kirgan. 1979-yildan boshlab, Mulla Toʻychi Toshmuhamedov nomidagi Qashqadaryo viloyat musiqali drama teatriga ishga kiradi.

„Shaydo aylagan qiz“da Iqbol, „Toshbolta oshiq“da Salomat, „Oltin devor“da Zuhra, „Ayajonlarim“da Xayri, „Jon qizlar“da Jonsuluv, „Izop“da Militta, „Sohillar va taqdirlar“da Tanzilla, „Mehribonlar“da Anjileka, „Oʻjarlar“da Ozoda, „Yoriltosh“da Oygul, „Tuydan oldin tomosha“da Feruza, „Gʻariblar“da Kora, „Oqibat“da Iroda va Manzura, „Xolisxon“da Xolis, „Gʻurbat farzandi“da Katya, „Tobutdan tovush“da Netayxon, „Tohir va Zuhra“da Moxin, „Jannatga yoʻl“da Hur kiz, „Aka-uka sovchilar“da Yulduz, „Davlat bolalari“da Nazira, „Sarob“da Qiz, „Amir Temur“da Oʻljaoy Turkon ogʻa, „Vijdon dorisi“da Adolat, „Shamshirboz“da Malika, „Onaizor“da Roziya, „Singan tanbur nidosi“da Novvot xola, „Qari kizning baxti“da Marjon, „Taqdir“da Amma, „Toʻylar muborak“da Kimyo xola kabi turli xil obrazlarni yaratgan.

Mukofotlari

1983-yilda Huriyat Isroilova „Nurxon“ spektaklidagi Nurxon roli uchun „Teatr-83“ respublika festivalida „Eng yaxshi ayol roli uchun“ nominatsiyasida gʻolib boʻlgan.

2020-yilning dekabr oyida Oʻzbekiston Respublikasi Madaniyat vazirligining hay’at yigʻilishi qaroriga koʻra, Madaniyat va sanʼat fidokori koʻkrak nishoni bilan mukofotlangan.

2021-yilning 24-avgustida Oʻzbekiston Respublikasi Prezidentining Oʻzbekiston Respublikasi mustaqilligining oʻttiz yilligi munosabati bilan fan, taʼlim, sogʻliqni saqlash, sport, adabiyot, madaniyat, sanʼat sohalari va ommaviy axborot vositalari xodimlaridan bir guruhini mukofotlash toʻgʻrisida"gi farmoniga muvofiq, „Oʻzbekiston Respublikasida xizmat koʻrsatgan artist“ faxriy unvoni berilgan.

2025-yilning 19-26-iyul kunlari Portugaliyaning Braga shahrida „MIT – Mostra Internacional de Teatro“ nomli IV xalqaro teatrlar festivalida Oʻzbekistonning yetakchi teatr jamoasi – Qashqadaryo teatri jamoasida aktrisa sifatida xalqaro teatr festivalida ishtirok etgan. Festivalda teatr jamoasi rus yozuvchisi Anton Chexovning „Uylanish“ (Taklif va toʻy) spektaklini sahnaga olib chiqqan. Yakunda, festivalning yopilish marosimida teatr jamoasi „Eng yaxshi spektakl“ nominatsiyada gʻoliblikni qoʻlga kiritgan.