Huening Kai
HueningKai - 휴닝카이 | |
|---|---|
 | |
| Tavalludi |
Kai Kamal Huening 2002-yil 14-avgust Hawaii, AQSH |
| Kasbi |
|
| Faoliyat yillari | 2019-yil – hozirgacha |
| Leybllar | Big Hit Entertainment |
| Guruhlari | Tomorrow X Together |
| Fuqaroligi |
 Koreya Respublikasi |
| Imzosi | |
 | |
HueningKai (Korean: 휴닝카이; 2002-yil 14-avgustda tugʻilgan), Janubiy Koreyalik qoʻshiqchi va qoʻshiq muallifidir. U 2019-yilda Big Hit Entertainment tomonidan tashkil etilgan Janubiy Koreyalik yigitlar guruhi Tomorrow X Together aʼzosi hisoblanadi.
Hayoti va karyerasi
Hueningkai 2002-yil 14-avgustda AQSHning Hawaii shahrida tugʻilgan. Toʻliq ismi Kai Kamal Huening. U aralash millat vakili boʻlib, onasi koreyalik, otasi esa Braziliyada tugʻilgan nemis-amerikalikdir. Kai oiladagi ikkinchi farzand hisoblanadi. Hawaiida tugʻilganiga qaramay, otasining kasbi tufayli u bolaligining katta qismini Xitoyda oʻtkazgan. Oila u yerda 7 yil yashab, keyinchalik Janubiy Koreyaga koʻchib oʻtishgan.
Hueningkai dastlab Lila Art High Schoolda tahsil olgan, keyinroq esa guruhdoshlari Beomgyu va Taehyun ham oʻqigan Hanlim Arts High Schoolga koʻchgan. 2021-yil 9-fevralda Hueningkai Hanlim Arts High Schoolni tamomlagani rasman eʼlon qilindi.
2019-yildan hozirgacha
2019-yil 15-yanvarda Hueningkai Tomorrow X Together guruhining uchinchi aʼzosi sifatida tanishtirildi. U guruhning eng yosh aʼzosi hisoblanadi.
Guruh 2019-yil 4-mart kuni The Dream Chapter: STAR nomli ilk mini-albomi bilan debyut qildi[1]. Ushbu albom Gaon Album Chart va Billboard World Albums Chart reytinglarida birinchi oʻringa koʻtarilgan[2][3].
Hueningkai TXTning birinchi toʻliq albomi – The Dream Chapter: MAGIC tarkibidagi Roller Coaster qoʻshigʻining yozilishi va bastalanishida ishtirok etdi. Shu orqali u Korean Music Copyright Association (KOMCA)da roʻyxatdan oʻtgan eng yosh K-pop idoli sifatida tarixga kirdi.
Boshlovchilik faoliyati
2021-yil 4-yanvarda Hueningkai va uning guruhdoshi Taehyun EBS Radioning „Listen“ dasturiga boshlovchilik qilishi eʼlon qilindi. Ular 2021-yil 10-yanvardan 2-maygacha ushbu dasturni olib bordilar[4].
Manbalar
- ↑ Yoon, So-yeon „TXT makes a long-awaited debut“ (en). Korea JoongAng Daily (2019-yil 4-mart). Qaraldi: 2025-yil 2-iyul.
- ↑ „Circle Album Chart – Week 10, 2019“ (ko). Circle Chart. Qaraldi: 2025-yil 4-iyul.
- ↑ „Tomorrow X Together Debuts at No. 1 on Emerging Artists, World Albums & World Digital Song Sales Charts“. billboard. March 15, 2019da asl nusxadan arxivlandi. Qaraldi: July 4, 2025.
- ↑ Chun, Yoon-hye „투모로우바이투게더, '경청' DJ 졸업..깜짝 노래 선물로 마지막까지 감동“ (ko). Herald POP (2021-yil 3-mart). Qaraldi: 2025-yil 4-iyul.