Hotel FM
| Hotel FM | |
|---|---|
 | |
| Umumiy maʼlumot | |
| Kelib chiqishi | Oradea, Ruminiya |
| Mamlakat | Pop, Rok |
| Faoliyat yillari | 2005-hozirgacha |
| Tarkib |
Gabriel Băruţa (pianino) Alex Szűz |
| Sobiq aʼzolar |
Darius Neagu Vicky Sava Marius Văduva Diana Mărmăneanu Vlady Săteanu Gabi Drăgan Nicolae Vedinas David Bryan |
Hotel FM — britaniyalik muhojir David Bryan hamda uning doʻstlari Gabriel Băruţa va Alex Szűz tomonidan 2005-yil aprel oyida tashkil etilgan ruminiyalik musiqiy guruh. Guruh Ruminiya va Germaniyaning bir necha shaharlarida konsertlar oʻtkazgan hamda 2006-yil bahorida promo-CD chiqargan[1].
Asoschi aʼzo va yetakchi vokalchi Bryan asli Angliya shimoli-sharqidagi Newton Aycliffe shahridan boʻlib, Ruminiyaga koʻchib kelishidan avval chiqindi yigʻuvchi boʻlib ishlagan[2].
Hotel FM tarixi 2005-yilda ruminiyalik bastakor Gabriel Băruţa oʻzining tugʻilgan shahri Oradeadan bir nechta musiqachini yangi ovoz yaratish uchun jamlaganida boshlangan. Maqsad uning qoʻshiqlariga xos boʻlgan ohangdorlik va innovatsiyaga asoslangan zamonaviy pop-rok uslubini yaratish edi.
Yillar davomida Hotel FM tarkibida Nicolae Vedinaş (vokal, fleyta), Berek Szilard (vokal), Marius Pop (gitara), Vlady Săteanu (bas-gitara), Gabi Drăgan (baraban) va Sanyi Zakar (gitara) faoliyat yuritgan.
Eurovision
Hotel FM „Eurovision–2010“ tanlovi uchun Ruminiya milliy saralashi finalida „Come As One“ qoʻshigʻi bilan ishtirok etib, toʻrtinchi oʻrinni egallagan. Ruminiya finalidagi tarkib quyidagicha boʻlgan: David Bryan (vokal), Gabriel Băruţa (gitara va bek-vokal), Vicky Sava (bek-vokal) hamda Darius Neagu (baraban va bek-vokal). Ularning chiqishida Mihuţ „Levi“ Lennon va Diana Mărmăreanu raqqos sifatida hamrohlik qilgan.
Guruh „Eurovision–2011“ uchun Ruminiya milliy saralashida „Change“ qoʻshigʻi bilan qatnashgan. Ular milliy finalda 22 ball toʻplab gʻolib boʻlgan va Ruminiya nomidan „Eurovision–2011“da ishtirok etish huquqini qoʻlga kiritgan[3][4].
Hotel FM 12-may kuni boʻlib oʻtgan ikkinchi yarim final bosqichidan muvaffaqiyatli oʻtgan va 14-maydagi finalda ishtirok etib, 17-oʻrinni egallagan.
Manbalar
- ↑ „About Hotel FM“. HotelFM.ro. 2011-yil 5-yanvarda asl nusxadan arxivlangan.
- ↑ „Eurovision dream over for former North-East binman“ (en). The Northern Echo (2011-yil 16-may). Qaraldi: 2022-yil 8-fevral.
- ↑ Busa, Alexandru „Hotel FM to represent Romania in Düsseldorf“. EscToday (2011-yil 1-yanvar).
- ↑ G., Luke „Hotel FM to Düsseldorf“. EscDaily (2011-yil 1-yanvar). 2011-yil 11-yanvarda asl nusxadan arxivlangan.