Homila yelkasi distotsiyasi

Homila yelkasi distotsiyasi – homila boshi tugʻilgandan soʻng oldingi yelkasining qovga (koʻp hollarda) yoki orqa yelkasining (kam hollarda) dumgʻaza doʻmbogʻiga (beshinchi bel umurtqasi va dumgʻaza suyagi asosi birlashmasi)taqalib qolishi va odatdagi usullar yelka tugʻilishiga yordam bermasdan qoʻshimcha muolajalar talab qilinishi. Klinik belgilari: Homila boshi tugʻilgandan soʻng orqa tomon oraliqqa itariladi („toshbaqa belgisi“). Boshi oraliqqa mahkam taqalgan. Yengil odatdagi usul yelkalar tugʻilishiga imkon bermaydi. Onaning kuchanishiga qaramasdan oldingi yelka, yelkalar yoki yelka kamari tugʻilmaydi. Antenatal xavf omillari:

•Oldingi tugʻruqlarda ham yelka tiqilib qolishi kuzatilishi

•Qandli diabet

•Muddatidan oʻtgan homiladorlik

•Yirik homila(adabiyotlarda 4.0-4.5 kg), shuningdek anamnezida yirik homila

•Onaning tana vazni indeksi >30 kg/m2

•Tugʻruqni chaqirish– koʻp tugʻuvchilar

•Intranatal xavf omillari:

•Tugʻruq faoliyati sustligi

•Tugʻruqning 2 davrining uzayishi hamda tez tugʻruqlar (kuchaniq davri)

•Oksitostin bilan tugʻruqni kuchaytirish

•Qin orqali instrumental tugʻdirishlar

•Kuchaniqni tezlashtirish

Manbalar

Ayupova. F.M; Akusherlik va Ginekologiya