Holishkes
Holishkes (shuningdek holipches yoki golubtsi yoki golubsi yoki xuluptzes yoki prokes yoki gefilte kroit) Sharqiy Yevropa yahudiy taomlari orasidagi karam doʻlma taomidir. Holishkes qaynatib olingan karam barglaridan tayyorlanadi: ular qiymalangan goʻshtni konvertga oʻxshash qilib oʻrab, soʻngra pomidor sousida dimlanadi. Baʼzan qiymaga guruch ham qoʻshiladi. Taom yil boʻyi isteʼmol qilinsa-da, odatda u moʻl hosil ramzi sifatida Sukkotda va yonma-yon qoʻyilganda ikkita karam dolmasi Tavrot oʻramlariga oʻxshab ketgani uchun Simxat Tora bayramida tortiladi[1][2].
Tarixi
Holishkes dastlab etnik ashkenaz yahudiylari tomonidan Rossiya imperiyasi tarkibidagi Polshada yaratilgan, deb hisoblanadi. Bu yahudiylar qadimiy Yaqin Sharq yahudiylarining avlodlari boʻlib, ular Yahudiy-rim urushlari oqibatida Markaziy va Sharqiy Yevropada panoh topganlar. Vaqt oʻtishi bilan ashkenaz yahudiylari holishkesni oʻzlarining shunga oʻxshash taomlar tayyorlagan turkiy-fors va qrim-tatar qoʻshnilari taomlariga moslashtirgan, bu taomlar esa oʻz navbatida Yaqin Sharq doʻlmasidan kelib chiqqan, deb hisoblanadi. Sharqiy yevropaliklar bu taomni sousdagi oʻralgan karamli uya ichidagi qushga oʻxshagani uchun gołąbki (kichik kaptarlar) deb atashgan. Ziravorlar jamiyatlarga qarab farqlanadi. Venger yahudiylari biroz marjoram qoʻshadilar, Suriya yahudiylari dolchin soladilar, fors yahudiylari esa ukrop va yalpiz qoʻshadilar. Goʻsht qimmat boʻlgani uchun uni koʻpaytirish maqsadida guruch qoʻshilgan[1].
Yana qarang
- Yahudiy taomlari
- Karamdan tayyorlanadigan taomlar roʻyxati
- Karam doʻlmalari – umuman shu turdagi taomlar
- Tokli doʻlma – oʻxshash turdagi taom
Manbalar
- ↑ 1,0 1,1 Lieber, Chavie „The Jews, stuffed cabbage and Simchat Torah“ (2012-yil 7-oktyabr).
- ↑ Lavine, Eileen „Stuffed Cabbage: A Comfort Food for All Ages“ (2013-yil 8-avgust).
Havolalar
- Karam doʻlmasi (xolishkes) retsepti | Recipezaar. „Dunyo retseptlari jamlangan joy“.
- Xolishkes (karam doʻlma) retsepti Epicurious.com saytida. (Wayback Machine saytida 2019-yil 22-dekabr sanasida arxivlangan) Retseptlar, menyular, pazandalik maqolalari va ovqat qoʻllanmalari.
- Qiyma solingan karam: xolishkes – goʻshtli. (Wayback Machine saytida 2008-yil 11-oktabr sanasida arxivlangan) Mimiʼs Cyber-Kitchen retseptlari – „Internetdagi taomlar boʻyicha birinchi manzilingiz“.