Hoji Shahin
| Hoji Shahin | |
|---|---|
| Şahin Hüseyn oğlu Həsənli | |
| Tavalludi |
7-iyul 1974-yil |
| Vafoti |
2-mart 2023-yil Boku, Ozarbayjon |
| Fuqaroligi | Ozarbayjon |
| Kasbi | imom |
Hoji Shahin (ozarbayjoncha: Hacı Şahin; toʻliq ismi: Şahin Hüseyn oʻgʻli Həsənli;) — ozarbayjonlik ilohiyotshunos, din arbobi, jamoat arbobi[1], xayriyachi, Məşədi Dadaş masjidining oxundi, jamoat imomi, juma imomi, „Maʼnaviy Dunyo“ Milliy-maʼnaviy qadriyatlarni targʻib qilish jamoat birlashmasining asoschisi va raisi (2007–2023), Kavkaz musulmonlari idorasining Nasimiy tumani boʻyicha vakili (2014–2023), QMİ Qozilar kengashi aʼzosi.
Yoshligi
Shahin Huseyn oʻgʻli Hasanli 1974-yil 7-iyul kuni Baku shahrida tugʻilgan.
1981-yilda Baku shahri, Saboil tumani 189-sonli oʻrta maktabning (hozirgi 189–190-sonli maktab) rus boʻlimiga qabul qilingan va 1991-yilda shu maktabni tugatgan.
1991-yilda Ozarbayjon Texnika universitetining Mashinasozlik fakultetiga oʻqishga kirgan. 1995–1997-yillarda harbiy xizmatda boʻlgan. 1999-yilda ADTUdagi taʼlimini yakunlagan.
2001–2004-yillarda Boku davlat universitetining Tarix fakultetida ikkinchi oliy taʼlim olgan.
Ijtimoiy faoliyati
1998–2001-yillarda asoschilaridan biri boʻlgan „İkmal“ Yoshlar Birligiga raislik qilgan. Rahbarlik qilgan tashkilot mamlakatning turli hududlarida vakolatxonalar ochgan va respublika miqyosida turli tadbirlar oʻtkazgan. Faoliyatining asosiy yoʻnalishi milliy-maʼnaviy qadriyatlar, sogʻlom turmush tarzi va vatanparvarlik tuygʻusini yoshlar orasida targʻib qilish boʻlgan.
2001-yildan Boku shahri Nasimiy tumanida joylashgan Məşədi Dadaş masjidida jamoat imomi boʻlgan.
Bu va undan oldingi yillarda mustaqil ravishda diniy mutolaa bilan shugʻullangan, diniy mavzularda darslar oʻtgan. Xususan, aqida, falsafa, axloq va tafsir fanlaridan dars bergan. 2007-yilda „Maʼnaviy Dunyo“ Milliy-maʼnaviy qadriyatlarni targʻib qilish jamoat birlashmasini tashkil etgan va oʻsha vaqtdan buyon tashkilotga rahbarlik qilgan.
2013-yilda Məşədi Dadaş masjidiga oxund, 2014-yilda Kavkaz musulmonlari idorasining (QMİ) Nasimiy tumani boʻyicha vakolatli vakili, 2021-yilda esa QMİ Qozilar kengashi aʼzosi etib tayinlangan.
2016–2017-yillarda Dorul Hikmat Ilm va Taʼlim Markazida „Axloq falsafasi“ va „Islom tarixi (tahlil)“ fanlaridan dars bergan[2].
Hech qanday siyosiy partiyaga aʼzo boʻlmagan.
Ozarbayjon, arab, fors va rus tillarini bilgan.
Uzoq yillar davomida Haj karvoniga rahbarlik qilgan va Haj ziyoratchilariga xizmat koʻrsatgan.
Haji Shahin „Qayerdan boshlash kerak“, „Yaratilishning maqsadi“ va „Baxtli oila modeli“ nomli kitoblar muallifi.
Shaxsiy hayoti
Haji Shahin oilali edi, 4 nafar farzandi: ikki qiz va ikki oʻgʻli bor edi.
Vafoti
2023-yil 2-mart kuni Bakuda yurak yetishmovchiligi sabab vafot etgan[3][4] va Yasamal qabristoniga dafn etilgan[5][6].
Ozarbayjon Milliy Majlisi deputati; Sotsial Tadqiqotlar Markazi boshqaruv kengashi raisi Zahid Oruc 2023-yil 4-aprel kuni Milliy Majlis yigʻilishida Haji Shahinning oʻlimini shubhali deb atagan[7][8].
Kitoblari
- Qayerdan boshlash kerak. Baku. Irshad nashriyoti, 2020[9].
- Yaratilishning maqsadi. Baku. Irshad nashriyoti, 2021[10].
- Baxtli oila modeli. Baku. Irshad nashriyoti, 2022[11].
Maqolalari
- „Həqiqət və ədalət“ (az). hacishahin.az. Qaraldi: 2023-yil 26-noyabr.
Manbalar
- ↑ „İTV-da juma xutbasi bilan bog‘liq muhokamalarga — Javob“. 2023-yil 21-martda asl nusxadan arxivlangan. Qaraldi: 2023-yil 17-mart.
- ↑ „Hacı Şahin Həsənli“. 2023-yil 6-martda asl nusxadan arxivlangan. Qaraldi: 2023-yil 6-mart.
- ↑ „Hacı Şahin Həsənli dünyasını dəyişib - AZƏRTAC“.
- ↑ „Hacı Şahin vəfat etdi“. 2023-yil 2-martda asl nusxadan arxivlangan. Qaraldi: 2023-yil 2-mart.
- ↑ „Hacı Şahin dəfn edilir - BAKU TV“ (2023-yil 2-mart). 2024-yil 31-avgustda asl nusxadan arxivlangan. Qaraldi: 2024-yil 31-avgust.
- ↑ „Hacı Şahin dəfn olundu“. 2023-yil 7-martda asl nusxadan arxivlangan. Qaraldi: 2023-yil 3-mart.
- ↑ „“Hacı Şahinin müəmmalı ölümü, hipermarketə hücum və deputata sui-qəsd...”“. 2023-yil 9-aprelda asl nusxadan arxivlangan. Qaraldi: 2023-yil 7-aprel.
- ↑ „“Hacı Şahinin müəmmalı ölümü və sonrakı hadisələr bir zəncirdə birləşir”“. 2023-yil 7-aprelda asl nusxadan arxivlangan. Qaraldi: 2023-yil 7-aprel.
- ↑ „Arxivlangan nusxa“. 2021-yil 22-dekabrda asl nusxadan arxivlangan. Qaraldi: 2020-yil 3-sentyabr.
- ↑ „Hacı Şahin Həsənlining ikkinchi kitobi nashr etildi“. 2023-yil 6-martda asl nusxadan arxivlangan. Qaraldi: 2023-yil 6-mart.
- ↑ „Hacı Şahin Həsənlining yangi kitobi – oila haqida“. 2023-yil 6-martda asl nusxadan arxivlangan. Qaraldi: 2023-yil 6-mart.
Havolalar
- Rasmiy sayti
- Hoji Shahin Instagram sahifasi
- MƏŞƏDİ DADAŞ MASJIDI (Wayback Machine saytida 2012-11-14 sanasida arxivlangan)
- 12 yoshida otasidan ayrildi, KVN jamoasida chiqish qildi, xalq harakatiga qoʻshildi — Hoji Shahin haqida qiziqarli faktlar
- Ruhoniy shoirlarimiz; Soltan Əlizadə, Şahin Həsənli, Azər Sani… (Sheʼrlar)[sayt ishlamaydi]