Hir Ranjha

Hir Ranjha
	Maqbara
	Hir Ranjha

Hir Ranjha maqbarasi — Pokistonning Panjob viloyati Jhang shahrida joylashgan XV asrga oid tarixiy yodgorlik. Anʼanaviy panjob xalq ogʻzaki ijodidagi „Heer Ranjha“ fojiasi qahramonlari Heer Syal va Dheedo Ranjhaning maqbarasi deb taxmin qilinadi^[1]^[2].

„Heer va Ranjha“ dostoni Hind yarimoroli mashhur boʻlgan bir nechta romantik xalq ogʻzaki ijodi namunalaridan biridir. Ushbu fojiali voqea turli sheʼriy talqinlarda bayon etilgan boʻlib, ularning eng mashhuri Voris Shoh tomonidan 1766-yilda yozilgan „Heer“ dostonidir^[3]. Heerning vatani Jhang boʻlgani uchun, rivoyatga koʻra, Heer va Ranjha shu yerga dafn etilgan. Har yili Muharram oyida maqbara yonida Urs marosimi oʻtkaziladi.

Tarixi

Heer va Ranjhaning qaysi davrda yashagani aniq maʼlum emas. Biroq ular XV asrda hozirgi Pokiston hududidagi Panjob viloyatida yashagan deb taxmin qilinadi. Maqbaradagi lavhada ularning vafot etgan yili hijriy 876-yil deb koʻrsatilgan boʻlib, bu milodiy 1471-yilga toʻgʻri keladi^[4]. Maqbara qachon bunyod etilgani ham aniq emas, ammo Heer va Ranjhaning vafotidan keyin qurilgan deb hisoblanadi.

Meʼmorchiligi

Maqbara islom meʼmorchiligi uslubida qurilgan boʻlib, gumbaz va toʻrt burchagidagi kichik minoralarga ega. Gumbaz ravoq boshlanadigan nuqtadan 1 futdan sal koʻproq balandlikka koʻtarilgan, uning tepasida esa kichik gumbazcha mavjud. Heer va Ranjha maqbara ichidagi bitta qabrga dafn etilgan. Qabr koshinlar bilan bezatilgan va marmar qabr toshi bilan belgilangan

Joylashuvi

Maqbara Pokistonning Panjob viloyati Jhang shahrida Faysalobod yoʻli va temiryoʻl liniyasi yaqinida joylashgan. Shuningdek, yodgorlik Mai Hir maydoni, Navoz Sharif stadioni va yangi sport majmuasiga ham yaqin.

Yana qarang

Layli va Majnun

Manbalar

↑ Jamil, Sidra „The Tomb of Heer Ranjha, Jhang“. Youlin Magazine.
↑ „A story of neglect: Heer-Ranjha's tomb in shambles“. The Express Tribune (2020-yil 10-fevral).
↑ http://apnaorg.com/research-papers/english/paper-9/page-1.shtml, Heer Ranjha, research paper on epic poem written by Waris Shah in 1766 on Academy of the Punjab in North America website, Retrieved 1 March 2016
↑ „Panjab Digital Library - Digitization of Punjab District Gazetteers - Part A - District Jhang“. www.panjabdigilib.org.

Havolalar

[1] Jamil, Sidra „The Tomb of Heer Ranjha, Jhang“. Youlin Magazine.

[2] „A story of neglect: Heer-Ranjha's tomb in shambles“. The Express Tribune (2020-yil 10-fevral).

[3] ttp://apnaorg.com/research-papers/english/paper-9/page-1.shtml, Heer Ranjha, research paper on epic poem written by Waris Shah in 1766 on Academy of the Punjab in North America website, Retrieved 1 March 2016

[Gazet-4] „Panjab Digital Library - Digitization of Punjab District Gazetteers - Part A - District Jhang“. www.panjabdigilib.org.

[1]

[2]

[3]

[4]