Kontent qismiga oʻtish

Hannah Aspden

ZiyoSfera, erkin ensiklopediya
Hannah Aspden

Aspden 2024-yilda
Shaxsiy maʼlumotlari
Tavallud sanasi 2000-yil 11-iyun (2000-06-11) (26 yosh)
Raleigh, Shimoliy Karolina, AQSh
Sport
Qaysi sport para suzish

Hannah Elizabeth Aspden (2000-yil 11-iyunda tugʻilgan) – amerikalik para suzuvchi. 2016-yilda Olimpiya yoki Paralimpiya oʻyinlaridan birida medal olgan AQSh jamoasi tarkibidagi eng yosh suzuvchi. 2019–2020-yilgi mavsumda Queens University of Charlotteda oʻqish davomida Aspden 100 metrga chalqancha va 100 metrga erkin uslubda suzish boʻyicha AQSh Paralimpiya oʻyinlarining qisqa masofaga suzish boʻyicha rekordlarini yangilagan.

Yoshlik yillari

Aspden Shimoliy Karolina shtatining Raleigh shahrida chap oyoqsiz tugʻilgan. Onasining ismi Jennifer Aspden[1]. U 4 yoshida suzishni oʻrgangan, chunki mahalliy YMCA basseynining chuqur qismiga kirishni xohlagan. Oʻn yoshga toʻlganida suzish boʻyicha birinchi marotaba musobaqada ishtirok etgan va shu yerda nafaqadagi para suzuvchi Elizabeth Stone bilan tanishgan[2]. Ikki yil oʻtib, Aspden AQShning Rivojlanayotgan jamoasi tarkibiga kiritilgan va 13 yoshida AQSh milliy jamoasining eng yosh aʼzosi boʻlgan[3].

Aspden 7 va 8-sinflarini Quest Academy Charter Schoolda oʻqigan, soʻngra Leesville Road High Schoolga oʻtgan[4].

Karyerasi

Aspden 2014-yilda AQSh jamoasiga kirish uchun oʻtkazilgan tanlovda S9/SB8/SM9 toifalari boʻyicha bahslarda boshqa nomzodlardan 0,01 soniya yaxshiroq natija koʻrsatgan va jamoaga tanlab olingan[5]. Natijada, u 2014-yilgi Pan Pacific suzish chempionatida milliy jamoa tarkibida oʻzining debyut ishtirokini amalga oshirgan va ushbu musobaqada 30.47 soniya natijani qayd etgan[6].

Aspden Yozgi Paralimpiya oʻyinlarida ilk bor 2016-yilda ishtirok etdi va shu yil Olimpiya yoki Paralimpiya oʻyinlarida medal qoʻlga kiritgan AQSh jamoasi tarkibidagi eng yosh suzuvchiga aylandi. Aspden ushbu musobaqada 100 metrga chalqancha suzish boʻyicha bahslarda, shuningdek, 4x100 metrga aralash estafeta yoʻnalishida bronza medalini qoʻlga kiritgan[7]. Keyingi yili, yaʼni 2017-yilda sportchi Jahon chempionatda ishtirok etuvchi AQSh jamoasi tarkibiga tanlab olingan va Queens University of Charlottega oʻqishga kirishni rejalashtirgan[8].

2018-yilgi para suzish boʻyicha Pan Pacific chempionatida Aspden 4×100 metrga aralash estafeta bahslarida kumush medalni qoʻlga kiritgan[9]. Keyingi yili Parapan Amerika oʻyinlarida esa S9 toifasida ayollar oʻrtasida 100 metrga chalqancha suzish hamda 400 metrga erkin uslubda suzish yoʻnalishlarida oltin medalni qoʻlga kiritgan[10]. Oʻquv yili davomida Aspden 6 ta suzish musobaqalarida ishtirok etdi va 100 metrga chalqancha suzish hamda 100 metrga erkin uslubda suzish boʻyicha Amerika Paralimpiya oʻyinlarining qisqa masofaga suzish boʻyicha rekordlarini yangilagan[11].

2022-yil 14-aprel kuni Aspden AQSh nomidan 2022-yilgi para suzish boʻyicha Jahon chempionatida ishtirok etish uchun jamoa tarkibiga tanlab olingan[12]. 2023-yil 29-aprel kuni esa yana bir bor 2023-yilgi para suzish boʻyicha Jahon chempionatida ishtirok etish uchun AQSh terma jamoasi tarkibiga kiritilgan[13].

Shaxsiy hayoti

Aspdenning bir akasi va bir opasi bor. Sportchining eng sevimli musiqiy janri klassik rok hisoblanadi[14].

Manbalar

  1. ↑ Iszler, Madison. „Raleigh Paralympic swimmer: 'I don't want to make any excuses'“. The News & Observer (2016-yil 16-oktyabr). Qaraldi: 2019-yil 10-dekabr.
  2. ↑ Peralta, Katherine. „16-year-old NC swimmer among youngest vying for a spot on U.S. Paralympic team“. Charlotte Observer (2016-yil 1-iyul). Qaraldi: 2019-yil 10-dekabr.
  3. ↑ „Hannah Aspden conquers illness in time for Rio Paralympics“. North State Journal (2016-yil 28-avgust). Qaraldi: 2019-yil 10-dekabr.
  4. ↑ „Meet Hannah - Former Quest Academy Student“. questcharter.org (2016-yil 16-oktyabr). 2025-yil 21-iyunda asl nusxadan arxivlangan. Qaraldi: 2019-yil 11-dekabr.
  5. ↑ Lieberman. „After Hard-Earned Medals in Rio, Paralympic Swimmer Hannah Aspden Hungry For More At Worlds“. teamusa.org (2017-yil 30-noyabr). 2018-yil 23-martda asl nusxadan arxivlangan. Qaraldi: 2019-yil 11-dekabr.
  6. ↑ Goddard. „Silverman smashes 400m freestyle world record at Pan Pacific Para-Swimming Championships“. insidethegames.biz (2014-yil 6-avgust). Qaraldi: 2019-yil 11-dekabr.
  7. ↑ Price. „No Longer The Youngest, Paralympic Swimmer Hannah Aspden Embraces Her Leadership Role“. teamusa.org (2019-yil 7-avgust). Qaraldi: 2019-yil 11-dekabr.
  8. ↑ Pruden. „Queens Gets Verbal Commitment from Paralympic Medalist Hannah Aspden“. swimmingworldmagazine.com (2017-yil 11-iyul). Qaraldi: 2019-yil 11-dekabr.
  9. ↑ D'Addona. „U.S. Paralympic Athletes Earn Five Gold at World Para Swimming World Series“. swimmingworldmagazine.com (2018-yil 20-aprel). Qaraldi: 2019-yil 11-dekabr.
  10. ↑ Hart. „HANNAH ASPDEN LEADS US PODIUM SWEEP FOR 2ND CONSECUTIVE NIGHT AT PARAPAN AMS“. swimswam.com (2019-yil 28-avgust). Qaraldi: 2019-yil 11-dekabr.
  11. ↑ „Hannah Aspden“. queensathletics.com. Qaraldi: 2019-yil 11-dekabr.
  12. ↑ Gowdy. „U.S. Paralympics Swimming Nominates 25 athletes to World Championship Roster“. teamusa.org (2022-yil 14-aprel). 2022-yil 16-mayda asl nusxadan arxivlangan. Qaraldi: 2022-yil 14-aprel.
  13. ↑ Overend. „U.S. Paralympics Swimming Selects 22 (Including Just 6 Men) for 2023 Worlds Roster“. swimswam.com (2023-yil 29-aprel). Qaraldi: 2023-yil 29-aprel.
  14. ↑ „Hannah Aspden“ (en). www.teamusa.com (2024-yil 30-avgust). Qaraldi: 2024-yil 11-noyabr. 
"https://ziyosfera.uz/index.php?title=Hannah_Aspden&oldid=473249" dan olindi