Hamshira

Hamshira — oʻrta maʼlumotli tibbiyot xodimi. Davolash-profilaktika muassasalarida hamshira shifokor yordamchisi boʻlib, u bilan hamkorlikda ish olib boradi. Hamshira bemorlarni parvarish qilish, haroratni oʻlchash, dori tarqatish, tibbiy muolajalar bajarish (ineksiya), davolash muolajalari (kompress, gorchichnik qoʻyish va hokazo qoʻyish) va boshqa vazifalarni bajaradi. Hamshiralar turli tibbiyot muassasalari (kasalxona, poliklinika, dispanser, sanatoriy va boshqalar) da, shuningdek, bogʻcha va bolalar oromgohlarida xizmat qiladi. Hamshiralik tibbiyot kollejlarida oʻqitiladi. Toshkent pediatriya tibbiyot instituti, Toshkent tibbiyot akademiyasi hamda boshqa tibbiyot oliy taʼlim muassasalarida alohida fakultet mavjud boʻlib, unda oliy maʼlumotli hamshiralar tayyorlanadi.