Hammad ibn Buluggin
| Hammad ibn Buluggin | |
|---|---|
| Hammadiy sultonligi amiri | |
| Saltanat | 1014 — 1029-yil avgust |
| Oʻtmishdoshi | lavozim taʼsis etilgan |
| Davomchisi | Qaid ibn Hammad |
| Tugʻilishi | 972-yildan oldin |
| Vafoti |
1029-yil avgust Tazmalt, Béjaïa viloyati, Jazoir |
| Dafn etilgan joy | |
| Farzandlari |
Qaid ibn Hammad Abdulloh ibn Hammad Yusuf ibn Hammad Ouigʻlan ibn Hammad Muhammad ibn Hammad Alnas ibn Hammad |
| Sulola | Hammadiylar sulolasi |
| Otasi | Buluggin ibn Ziriy |
| Dini | Islom |
Hammad ibn Buluggin (arabcha: حمّاد بن بلكين) (1029-yil avgustda vafot etgan[1]) hozirgi Jazoir hududida hukmronlik qilgan Hammadiylar sulolasining birinchi hukmdori (1014—1029).
Hayoti
Otasi Buluggin ibn Ziriy vafotidan soʻng, Hammadning akasi al-Mansur ibn Buluggin (h. 984–995) Ifriqiyadagi Ziriylar sulolasi rahbari boʻldi. Hammadni esa markaziy Magʻrib (hozirgi Jazoirning shimoliy hududlariga mos keladi) hududga hokim etib tayinladi. Zenata qabilalariga qarshi kurash olib borib, oxir-oqibat, ularni Marokash hududlariga siqib chiqardi. Hammad 1007-yilda Setifdan gʻarbda joylashgan Xodna togʻlarida al-Qala nomli qarorgohiga asos solib, keng koʻlamli qurilish ishlarini boshlab yubordi. Qurilishlar davomida zamondoshlari orasida juda mashhur boʻlgan saroy va masjid ham bor edi.
Shundan soʻng, Hammadning Ziriylar saltanatining gʻarbiy qismida nufuzi osha boshladi. Hammad 1014-yilda sunniylikni qabul qildi[2]. Ziriylardan mustaqillik eʼlon qilib, Bagʻdoddagi sunniy Abbosiylarni qonuniy xalifalar deya tan oldi[3]. Dastlab Ziriylar ziddiyatga kirishgan boʻlsalar-da, 1016-yilda urush harakatlarini toʻxtatishga majbur boʻldilar. 1018-yilda esa Hammadiylar davlati mustaqilligini tan olishga majbur boʻldilar. 1024-yilning sentyabr—oktyabr oylarida al-Muʼizz ibn Badisning singlisi Ummu al-Ulu Hammad ibn Bulugginning oʻgʻli Abdullohga turmushga chiqdi. 1024-yilning 8—9-oktyabr kunlari dabdabali toʻy qildilar[4]. Ummu al-Ulu 1053/1054-yilda (hijriy 445) vafot etdi[5].
Hammadning vorisi Qaid ibn Hammad (h. 1029–1054) boʻlib, uning davrida Fotimiylar bilan munosabatlar qayta tiklangan.
Manbalar
- ↑ Hadi, Roger Idris. La Berberie Orientale Sous les Zirides, 1962 — 157-bet.
- ↑ Faiths Across Time: 5,000 Years of Religious History. ABC-CLIO, 15 Jan 2014 — 671-bet. ISBN 9781610690263.
- ↑ ; Noelle Watson; Paul SchellingerMiddle East and Africa: International Dictionary of Historic Places. Routledge, 5 Mar 2014 — 37-bet. ISBN 9781134259939.
- ↑ Hadi, Roger Idris. La Berberie Orientale Sous les Zirides, 1962 — 142-bet.
- ↑ Hadi, Roger Idris. La Berberie Orientale Sous les Zirides, 1962 — 143-bet.
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |