Haleh Afshar
| Haleh Afshar | |
|---|---|
 Rasmiy portreti, 2019-yil | |
| Lordlar palatasi aʼzosi | |
|
Mansab davri 2007-yil 11-dekabr – 2022-yil 12-may | |
| Shaxsiy maʼlumotlari | |
| Tavalludi |
Holih Afshar 21-may 1944-yil Tehron, Eron shahanshogligi davlati |
| Vafoti |
12-may 2022-yil (77 yoshda) Heslington, Angliya |
| Turmush oʻrtogʻi |
Maurice Dodson (turm. 1974) |
| Bolalari | 2 |
| Alma mater |
|
Haleh Afshar, Baronessa Afshar (forscha: هاله افشار; 1944-yil 21-may — 2022-yil 12-may)[1] Buyuk Britaniya parlamentining yuqori palatasi — Lordlar palatasining umrboqiy aʼzosi boʻlgan. Ayollar huquqlari va islom huquqiga qiziqib kelgan. York universiteti professori, oʻndan ortiq ilmiy kitoblar muallifi.
Hayoti va faoliyati
Haleh Afshar 1944-yil 21-may kuni Tehronda tugʻilgan[2]. Otasi Hasan Afshar, onasi esa Pouran Xabir boʻlgan. Oilada toʻrt farzandning eng kattasi edi. Otasi bir paytlar hukumat vaziri boʻlib xizmat qilgan, shuningdek, Tehron universitetida huquq professori boʻlib faoliyat yuritgan. Onasi esa ayollarga saylov huquqini berish boʻyicha muvaffaqiyatli kampaniya olib borgan[3]. Afshar dastlab Tehrondagi Jeanne d’Arc maktabida tahsil olgan, 14 yoshida esa Solihulldagi internatda yashab, oʻsha yerdagi maktabga qatnay boshlagan. Brightonda A-level imtihonlarini tugatgach, yangi tashkil etilgan York universitetiga oʻqishga kirib va 1967-yilda ijtimoiy fanlar boʻyicha bakalavr darajasini olgan. Besh yildan soʻng Strasburg Robert Schuman universiteti diplomi olgan, soʻngra 1974-yilda Kembrij universitetida yer iqtisodiyoti boʻyicha doktorlik dissertatsiyasini yakunlagan. Shundan soʻng u Eronning yer islohoti vazirligida ishlash uchun qaytgan. Afshar jurnalist sifatida ham faoliyat olib borgan va tadqiqotlari davomida koʻplab eronlik ayollar oʻzlarining islomiy huquqlarini tushunmasligini anglab yetgan[3]. Jurnalistik faoliyati sabab surgunga uchragan, chunki uning qirollik oilasi haqidagi maqolasi yaxshi qabul qilinmagan.
Afshar York universitetida siyosat va ayollar tadqiqotlari professori, shuningdek, Fransiyaning Strasburg shahrida joylashgan Robert Schuman universiteti qoshidagi Qiyosiy huquq boʻyicha xalqaro fakultetida islom huquqi boʻyicha tashrif buyuruvchi professor boʻlib ishlagan. Afshar Britaniya Kengashi va Birlashgan Millatlar Tashkiloti Assotsiatsiyasida faoliyat yuritgan. Ushbu tashkilotda u xalqaro xizmatlar boʻyicha faxriy prezident boʻlib xizmat qilgan. 2008-yil sentyabrida u Ayollar milliy komissiyasi boshqaruv kengashiga tayinlangan. Afshar Yaqin Sharq tadqiqotlari boʻyicha Britaniya jamiyatiga ham raislik qilgan. U Musulmon ayollar tarmogʻi tashkilotining asoschisi va aʼzosi boʻlgan. Shuningdek, Ichki ishlar vazirligining ishchi guruhlarida „ayollar bilan muloqot“ va „ekstremizmning oldini birgalikda olish“ yoʻnalishlarida faoliyat olib borgan.
2009-yil mart oyida Afshar 2009-yilgi eng nufuzli taʼsirga ega musulmon ayollar roʻyxatida Buyuk Britaniyadagi eng muvaffaqiyatli 20 nafar musulmon ayoldan biri deb topilgan. Roʻyxat Tenglik va inson huquqlari komissiyasi, „Emel“ jurnali va The Times hamkorligida Buyuk Britaniyadagi musulmon ayollarning yutuqlarini nishonlash maqsadida tuzilgan[4][5].
2009-yil aprel oyida Afshar Ijtimoiy fanlar akademiyasi akademigi etib tayinlangan[6].
Afshar 2022-yil 12-may kuni 77 yoshida Heslingtondagi uyida buyrak yetishmovchiligidan vafot etgan[2].
Manbalar
- ↑ Veitch, Janet. „Lady Afshar obituary“ (en) (2022-yil 19-may). Qaraldi: 2022-yil 25-iyun.
- ↑ 2,0 2,1 Fathi, Nazila. „Haleh Afshar, Who Fought for Rights of Muslim Women, Dies at 77“ (en-US). The New York Times (2022-yil 24-iyun). Qaraldi: 2022-yil 25-iyun.
- ↑ 3,0 3,1 „Lady Afshar obituary“ (en). The Guardian (2022-yil 19-may). Qaraldi: 2022-yil 26-avgust.
- ↑ The Muslim Women Power List 2009[sayt ishlamaydi]
- ↑ „Muslim Women Power List“ (en-GB). The Guardian (2009-yil 25-mart). Qaraldi: 2022-yil 14-may.
- ↑ Afshar named Academician of the Academy of Social Sciences (Wayback Machine saytida 26 April 2009 sanasida arxivlangan)
Havolalar
- York universiteti Urushdan keyingi tiklanish va taraqqiyot boʻlinmasi xodimlar profili
- York universiteti xodimlar profili
- Persian Mirror: Holih Afshar tarjimai holi
- Muslim Women Power List saytidagi tarjimai hol[sayt ishlamaydi]
- Suhbat Desert Island Discs dasturida, BBC Radio 4da, 28 December 2008 efirga uzatilgan
- BBCning „Belief“ dasturidagi suhbat matni.
- Nouse.co.uk: Holih Afshar Lordlar palatasi peerligiga koʻtarildi
- Naseeb.com intervyusi, 2005
- „Yaqin Sharqda tinchlik va qayta qurish: ayollar qayerda?“ 2009-yil 27-may kuni Oksford universitetida oʻqilgan maʼruza
- Profil Buyuk Britaniya parlamentida