Gulchehra Sa’dullayeva
Gulchehra Sa’dullayeva – kino, teatr va dublyaj aktrisasi, O‘zbekiston Respublikasida xizmat ko‘rsatgan artist[1].
Hayoti
Gulchehra Sa’dullayeva 1950-yil 12-aprelda tug‘ilgan[2]. O‘zbekiston davlat san’at va madaniyat institutida tahsil olgan. Oilali, 3 nafar – ikki qiz, bir o‘g‘il farzandi bor. Aktyor Lutfulla Sa’dullayev bilan oila qurgan. Qizi Gulira’no Ma’sudova aktyor Fathulla Ma’sudov bilan, kichkina qizi Muqaddas Sa’dullayeva esa aktyor Yigitali Mamajonov bilan turmush qurgan. Kuyovi Fathulla Ma’sudov 2020-yilda, turmush o‘rtog‘i Lutfulla Sa’dullayev esa 2022-yilda vafot etgan[3].
Aktrisaning o‘zi 2 marta infakt va 2 marta insultga chalingan[4].
Ijodi
Gulchehra Sa’dullayeva dastlab Yosh tomoshabinlar teatrida ishlagan. Hozirda Satira teatrida faoliyat yuritadi[5]. 1969-yilda suratga olingan „O‘tkan kunlar“ filmidagi Zaynab roli bilan tanilgan. Shuningdek, „Bahor qaytmaydi“ (1972), „Shum bola“ (1977), „Diyonat“ (1981), „Kelinlar qo‘zg‘oloni“ (1985), „Chayongul“ (2000), „Ayolning bir makri“ (2001), „Boyvachcha 2“ (2008), „Qalbaki dunyo“ (2009), „Qalb ko‘zi“ (2010), „Opa-singillar“ (2010-2014), „O‘xshatmasdan uchratmas“ (2011), „Poyqadam“ (2012), „Layloyimsan“ (2013), „Sunami“ (2013), „Geolog“ (2014), „Baxt ortidagi dard“ (2015), „Egizak oshiqlar“ (2017), „Muhabbat va nafrat“ (2018), „Tuhmat girdobi“ (2019), „Xiyonatkor kelin“ (2019) kabi film va teleseriallarda rol ijro etgan.
Manbalar
- ↑ „Гульчехра Сагдуллаева“. Qaraldi: 2025-yil 13-noyabr.
- ↑ „Гульчехра Сагдуллаева“ (2024-yil 29-dekabr). Qaraldi: 2025-yil 13-noyabr.
- ↑ „Gulchehra Sa’dullayeva insultga chalindi“ (2024-yil 30-aprel). Qaraldi: 2025-yil 13-noyabr.
- ↑ „Aktrisa Gulchehra Sa’dullayeva kuyovi Fathulla Mas’udov tufayli ikki marta saratondan omon qolgani haqida so‘zlab berdi“ (2025-yil 7-noyabr). Qaraldi: 2025-yil 13-noyabr.
- ↑ „Gulchehra Sadullayeva“. Qaraldi: 2025-yil 13-noyabr.