Gulbahor Tojimirzayeva
| Gulbahor Tojimirzayeva | |
|---|---|
Tojimirzayeva Gulbahor Bahodirovna | |
| Oʻzbekiston metallurgiya uyushmasi raisi | |
|
Mansab davri 2025-yil iyun | |
| Namangan metallurgiya zavodi bosh direktori | |
| Oʻzbekiston Milliy iqtisodiy hamkorlik uyushmasi raisi oʻrinbosari | |
|
Mansab davri 2025-yil may | |
| Xalq deputatlari Chust tumani Kengashi deputati | |
| Shaxsiy maʼlumotlari | |
| Tavalludi |
1991-yil 25-iyul Oʻzak qishlogʻi, Yangiqoʻrgʻon tumani, Namangan viloyati, Oʻzbekiston SSR, SSSR |
| Mukofotlari | „Faol tadbirkor“ koʻkrak nishoni (2022) |
Gulbahor Bahodirovna Tojimirzayeva (inglizcha: Gulbakhor Tojimirzaeva; 1991-yil 25-iyul, Yangiqoʻrgʻon tumani, Namangan viloyati) — oʻzbekistonlik tadbirkor[1], Oʻzbekiston metallurgiya uyushmasi raisi,[2] Namangan metallurgiya zavodi va B.A. Holding bosh direktori[3]. Xalq deputatlari Chust tumani Kengashi deputati.[4]
Tarjimai holi
Gulbahor Tojimirzayeva 1991-yil 25-iyulda Namangan viloyati Yangiqoʻrgʻon tumanining Oʻzak qishlogʻida tugʻilgan[5]. Xitoyning Guanchjou shahridagi Janubiy Xitoy qishloq xoʻjaligi universiteti xalqaro iqtisod va savdo yoʻnalishida tahsil olgan.[1]
Faoliyati
Tadbirkorlik
2014-yilda Guanchjou shahrida „Guangzhou Shengli Trade Corporation“ kompaniyasiga asos solgan. Kompaniya import-eksport, transport va logistika xizmatlari bilan shugʻullangan.[1]
Keyinchalik Oʻzbekistondagi „Wangda Metal“, „Awiner Agro“, „BA Solar Energy“ va „China Car“ loyihalarida faoliyat yuritgan. Namangan viloyati Chust tumanidagi „Tai Chang Special Steel“ qoʻshma korxonasiga rahbarlik qilgan.[5] Namangan metallurgiya zavodi bosh direktori sifatida ishlab chiqarish va transport masalalari bilan shugʻullangan.[6] B.A. Holding bosh direktori lavozimida metallurgiya, qurilish va savdo loyihalarida faoliyat olib boradi[3]. China House qurilish kompaniyasi asoschisi hisoblanadi.[7]
Metallurgiya uyushmasi
2022-yil 12-avgustda Bekoboddagi Oʻzbekiston metallurgiya kombinatida prezident Shavkat Mirziyoyev ishtirokida oʻtkazilgan yigʻilishda qatnashgan. Muloqotda Namangan erkin iqtisodiy zonasiga temir yoʻl tortish va metallurgiya korxonalarini birlashtiruvchi uyushma tashkil etish takliflarini bildirgan.[6].[8]
2025-yil iyunidan Oʻzbekiston metallurgiya uyushmasi raisi. Uyushmani tashkil etishga bagʻishlangan yigʻilish Investitsiyalar, sanoat va savdo vazirligida oʻtkazilgan. Unda yigirmaga yaqin korxona vakillari qatnashgan.[2]
Uyushma metallurgiya korxonalarining xomashyo taʼminoti, korxonalar oʻrtasidagi hamkorlik va sohaga oid normativ hujjatlar boʻyicha takliflar ishlab chiqish bilan shugʻullanadi.[9]
2026-yil yanvarida uyushmaning 2025-yildagi faoliyati sarhisob qilingan. Unda korxonalar va davlat idoralari oʻrtasidagi hamkorlik, mahsulot sifati, ishlab chiqarishni yangilash va xorijiy tashkilotlar bilan aloqalar muhokama etilgan.[10]
Xalqaro hamkorlik
2024-yil yanvarida Shavkat Mirziyoyevning Xitoyga davlat tashrifi doirasida oʻtkazilgan Oʻzbekiston–Xitoy tadbirkorlari forumlarida qatnashgan.[1]
Oʻzbekiston metallurgiya uyushmasi raisi sifatida Moskvada oʻtkazilgan metallurgiya forumida maʼruza qilgan. Unda metallolomni qayta ishlash, Oʻzbekiston korxonalarining xomashyoga ehtiyoji va Rossiya bilan hamkorlik masalalarini koʻtarilgan.[11]
2025-yilda Eron poʻlat ishlab chiqaruvchilari uyushmasi bilan muzokaralarda qatnashgan. Ikki uyushma oʻrtasida xomashyo va mahsulot yetkazib berish, qoʻshma sanoat loyihalari, mutaxassislar tayyorlash va energiya samaradorligi boʻyicha hamkorlik memorandumi imzolangan.[12]
Oʻzbekiston xalqaro konchilik va metallurgiya forumi — UIMF dasturiga uyushma raisi sifatida kiritilgan.[13]
2026-yil 13-oktabrda Oʻzbekiston metallurgiya uyushmasi Jahon poʻlat assotsiatsiyasining (World Steel Association) affillangan aʼzolari safiga qabul qilingan. Tojimirzayeva tashkilotda uyushma vakili sifatida qayd etilgan.[14][15]
Jamoat va siyosiy faoliyati
Xalq deputatlari Chust tumani Kengashi deputati.[4]
2025-yil mayida Oʻzbekiston Milliy iqtisodiy hamkorlik uyushmasi raisi oʻrinbosari lavozimiga tayinlangan.[16][17]
Sport
Shotokan karate-do bilan shugʻullangan, qora belbogʻ sohibasi. 2024-yilga kelib 3-dan darajasiga ega boʻlgan.[18][19] 2007-yil Hindistonda oʻtkazilgan xalqaro karate turnirida gʻolib boʻlgan.[20]
Mukofotlari
- „Faol tadbirkor“ koʻkrak nishoni — (2022).[21]
- Oʻzbekiston Liberal-demokratik partiyasining „Ishbilarmon ayol — 2023“ koʻrik-tanlovi gʻolibi.[1]
Manbalar
- ↑ 1,0 1,1 1,2 1,3 1,4 Odil Olimjonov. „«Yangi O‘zbekiston tadbirkorlari safida ekanligimdan faxrlanaman»“ (uz). Review.uz (2024-yil 25-mart).
- ↑ 2,0 2,1 „В Узбекистане учредили Ассоциацию металлургии Республики“ (ru). Металлоснабжение и сбыт (2025-yil 30-iyun).
- ↑ 3,0 3,1 „9 предпринимателей из Намангана, которые добились успеха в бизнесе“ (ru). WEproject (2026-yil 13-mart).
- ↑ 4,0 4,1 „Tojimirzayeva Gulbaxor Baxodirovna“ (uz). Xalq deputatlari Chust tumani Kengashi.
- ↑ 5,0 5,1 „O‘z biznesini yo‘lga qo‘yish muvaffaq bo‘lgan tadbirkor Gulbahor Tojimirzayeva“ (uz). Yoshlar ovozi (2023-yil 10-may).
- ↑ 6,0 6,1 „Gulbahor Tojimirzayeva: Tadbirkorlarga e'tibor meni yurtimga qaytishga undadi“ (uz). Yangi O‘zbekiston (2022-yil 17-avgust).
- ↑ „B.A Holding bosh direktori o‘zi bilan nimalar olib yuradi?“ (uz). Spot (2026-yil 17-iyun).
- ↑ „Металлургияни ривожлантириш бўйича вазифалар белгиланди“ (uz). O‘zbekiston Respublikasi Prezidentining rasmiy veb-sayti (2022-yil 12-avgust).
- ↑ „Руководство и структура“ (ru). O‘zbekiston metallurgiya uyushmasi.
- ↑ Nasiba Ziyodullayeva. „Gulbahor Tojimirzayeva: “Biz bir-birimizga raqib emasmiz, balki hamkasblarmiz”“ (uz). O‘zA (2026-yil 12-yanvar).
- ↑ „В Москве состоялись Ценовой металлургический форум и отраслевое Общее собрание, организованные РА «Русмет» совместно с Ассоциацией НСРО «РУСЛОМ.КОМ» и АО «ТБанк»“ (ru). Русмет.
- ↑ „ISPA, Uzbekistan Metallurgy Association sign MoU to boost steel collaboration“ (en). MESteel (2025-yil 1-sentyabr).
- ↑ „Gulbahor Tozhimirzaeva“ (en). Uzbekistan International Mining & Metals Forum.
- ↑ „worldsteel elects new officers and welcomes new members“ (en). World Steel Association (2026-yil 13-oktyabr).
- ↑ „Hadeed CEO Abdulqader Almubarak becomes new worldsteel chairman“ (en). SteelRadar.
- ↑ „Milliy iqtisodiy hamkorlik uyushmasiga rais tayinlandi“ (uz). Kun.uz (2025-yil 31-may).
- ↑ „“O‘zbekiston Milliy Iqtisodiy Hamkorlik” uyushmasi tashkil etildi“ (uz). UzReport.news (2025-yil 29-may).
- ↑ „«В числе предпринимателей Нового Узбекистана»“ (ru). Review.uz (2024-yil 25-mart).
- ↑ „Каждый день — это возможность“ (ru). Правда Востока (2024-yil 9-iyul), s. 3.
- ↑ „Putin tufayli xitoy tilini o‘rganganman — Xitoydagi o‘zbek kelini hayoti tarixi“ (uz). Xabar.uz (2020-yil 16-aprel).
- ↑ „“Faol tadbirkor” ko‘krak nishoni bilan taqdirlash to‘g‘risida“ (uz). O‘zbekiston Respublikasi Prezidentining rasmiy veb-sayti (2022-yil 19-avgust).