Kontent qismiga oʻtish

Greg Abbott

ZiyoSfera, erkin ensiklopediya
Greg Abbott
48-Texas gubernatori
Shaxsiy maʼlumotlari
Tavalludi 1957-yil 13-noyabr (1957-11-13) (68 yosh)
Wichita Falls, Texas, AQSh
Fuqaroligi AQSH bayrogʻi AQSH
Siyosiy partiyasi Respublikachilar
Turmush oʻrtogʻi Cecilia Phalen
Bolalari 1 ta
Taʼlim University of Texas at Austin, Vanderbilt University

Gregory Wayne Abbott (1957-yil 13-noyabrda tugʻilgan) – amerikalik siyosatchi, advokat va 2015-yildan beri Texas shtatining gubernatori boʻlib ishlab kelayotgan sobiq huquqshunos. Respublikachilar partiyasining aʼzosi, 2002-yildan 2015-yilgacha Texasning 50-bosh prokurori va 1996-yildan 2001-yilgacha Texas Oliy sudining aʼzosi boʻlib ishlagan.

Abbott Rekonstruksiya davridan beri Texasning bosh prokurori lavozimida ishlagan uchinchi respublikachi hisoblanadi. 2002-yilda 57%, 2006-yilda 60% va 2010-yilda 64% ovoz bilan saylanib, shtat tarixidagi eng uzoq xizmat qilgan bosh prokuroriga aylangan. Bosh prokuror boʻlguniga qadar Abbott Texas Oliy sudining sudyasi boʻlgan va bu lavozimga u 1995-yilda oʻsha paytdagi gubernator Jorj Bush tomonidan tayinlangan. Abbott Barack Obama maʼmuriyatiga qarshi koʻplab sud jarayonlarida ishtirok etib, „Affordable Care Act“ va maʼmuriyatning atrof-muhitni muhofaza qilish qoidalarini bekor qilishga harakat qilgan.

2014-yilda saylangan Abbott nogironlar aravachasidan foydalanadigan Texasdagi birinchi va AQShdagi uchinchi gubernator hisoblanadi. Gubernator sifatida Abbott Donald Trump maʼmuriyatini va abortga qarshi chora-tadbirlar, qurolga egalik qilish toʻgrisidagi qonunlar, noqonuniy immigratsiyaga qarshi kurash kabi konservativ ruhdagi koʻplab gʻoyalarini qoʻllab quvvatlagan.

Yoshlik davri, taʼlimi va yuridik faoliyati

Abbott 1957-yil 13-noyabrda Texasning Vichita-Folls shahrida tugʻilgan[1]. Uning onasi Doris Lechristia Jacks Abbott uy bekasi, otasi Calvin Rodger Abbott esa birja brokeri va sugʻurta agenti boʻlib ishlagan[2][3]. Olti yoshga toʻlganida oilasi bilan Longviewga koʻchib oʻtishgan va oʻsha yerda olti yil yashashgan[2]. Abbott Duncanville maktabini tamomlagan[4][5].

1981-yilda Abbott Ostindagi Texas universitetida moliya boʻyicha bakalavr darajasini egallagan. Turmush oʻrtogʻi Cecilia Phalen bilan universitetda oʻqib yurgan davrida tanishgan va 1981-yilda turmush qurishgan[2][6]. 1984-yilda Vanderbilt universitetida huquqshunoslik boʻyicha doktorlik darajasini egallagan[2].

Texas Bosh prokurori

Greg Abbott 2005-yilda prezident Jorj Bush va Texas Oliy sudi sobiq sudyalari bilan Harriet Miers nomzodi haqida gaplashgan. Chapdan: Evgeniy Kuk, Raul Gonsales, Abbott, Jon Xill, Jeyms Beyker, Bush va Kreyg Enoch
Abbott va John Cornyn San-Antonioda

2002-yilgi saylov

Abbott 2001-yilda leytenant-gubernatorlik lavozimiga oʻz nomzodini qoʻyish uchun Texas Oliy sudidan isteʼfoga chiqqan[2]. 2002-yilda bosh prokurorlik lavozimiga oʻz saylovoldi kompaniyasini boshlagan. Demokratchilardan boʻlgan nomzod, Ostinning sobiq meri va sobiq shtat senatori Kirk Watsonni 57% ovoz bilan magʻlub etib, 2-dekabr sanasida qasamyod qabul qilgan[7][8].

Sony BMGga qarshi daʼvo ishi

2005-yil oxirida Abbott noqonuniy josuslik dasturlari uchun Sony BMGni sudga bergan[9][10]. 2005-yil 21-dekabrda Abbott Sony BMG ga qarshi daʼvosiga yangi ayblovlarni qoʻshdi. Uning soʻzlariga koʻra, MediaMax nusxasini himoya qilish texnologiyasi Texasning josuslik dasturlari va savdo amaliyoti qonunlariga zid boʻlgan[9][11]. Sud ishi 1.5 million dollar evaziga Texas foydasiga hal boʻlgan[12].

Qurol-yarogʻ siyosati

Bosh prokuror sifatida Abbott qurol nazorati qonunchiligiga qarshi chiqqan. 2013-yilda Nyu-York shtati tomonidan qabul qilingan qurolni tartibga solish qonunlari kuchaytirilishini tanqid qilgan, shuningdek, agar Kongress qurol nazorati boʻyicha yangi qonun loyihasini qabul qilsa, sudga berishini aytgan[13].

Bir jinsli nikohga qarshilik harakati

Bosh prokuror sifatida Abbott shtatning bir jinsli nikohni taqiqlash toʻgrisidagi qonunini qoʻllab quvvatlagan va uni konstitutsiyaviy eʼtirozdan himoya qilgan[14]. 2014-yilgi sudda Texasga bir jinsli nikohni taqiqlashga ruxsat berilishi kerakligi boʻyicha baxslashgan va bunga sabab qilib LGBT shaxslari nasl qoldira olmasligini aytgan[15].

Manbalar

  1. ↑ „Biography of Greg Abbott“. Texapedia. Qaraldi: 2023-yil 8-aprel.
  2. ↑ 2,0 2,1 2,2 2,3 2,4 Sweany, Brian D.. „The Overcomer“. Texas Monthly (2013-yil oktyabr). Qaraldi: 2014-yil 31-oktyabr.
  3. ↑ „Person Details for Gregory Wayne Abbott, "Texas, Birth Index, 1903–1997"“. FamilySearch.org. Qaraldi: 2014-yil 8-noyabr.
  4. ↑ „vote-smart.org.“. 2008-yil 23-oktyabrda asl nusxadan arxivlangan. Qaraldi: 2023-yil 29-sentyabr.
  5. ↑ Wilson, Reid. „The likely next governor of Texas is full of Lone Star swagger. Don't be surprised if he runs for president.“. The Washington Post (2014-yil 30-oktyabr). Qaraldi: 2014-yil 31-oktyabr.
  6. ↑ „Texas Governor Greg Abbott“. Qaraldi: 2023-yil 8-aprel.
  7. ↑ Goudeau, Ashley. „State Sen. Kirk Watson headed to University of Houston“. KVUE (2020-yil 30-aprel). Qaraldi: 2020-yil 23-iyun.
  8. ↑ „Race Summary Report - 2002 General Election“. Texas Secretary of State (2002-yil 5-noyabr). Qaraldi: 2022-yil 28-avgust.
  9. ↑ 9,0 9,1 „Texas Sues Sony BMG Alleging Violation of Texas Spyware Statute“. Tech Law Journal (2005-yil 20-noyabr). Qaraldi: 2014-yil 31-oktyabr.
  10. ↑ Texas Attorney General's Office. „Attorney General Abbott Brings First Enforcement Action In Nation Against Sony BMG For Spyware Violations“. State of Texas (2014-yil 21-noyabr). 2017-yil 1-yanvarda asl nusxadan arxivlangan. Qaraldi: 2014-yil 31-oktyabr.
  11. ↑ „AG throws more allegations at Sony BMG“. The Business Journals (2005-yil 21-dekabr). Qaraldi: 2013-yil 14-oktyabr.
  12. ↑ Robert McMillan, Sony pays $1.5M to settle Texas, CA rootkit suits, IDG News Service (December 19, 2005).
  13. ↑ Jim Forsyth, Y’all come to Texas, state official tells New York gun owners, Reuters (January 17, 2013).
  14. ↑ „Texas attorney general: 'ban on same-sex marriage promotes childbirth'“. The Guardian. Associated Press (2014-yil 29-iyul). Qaraldi: 2019-yil 8-iyun.
  15. ↑ „A Closer Look at Greg Abbott's Anti-Gay Marriage Arguments“ (en-US). The Texas Observer (2014-yil 30-iyul). Qaraldi: 2019-yil 8-iyun. 
"https://ziyosfera.uz/index.php?title=Greg_Abbott&oldid=460667" dan olindi