Gohar Harutyunyan
| Gohar Harutyunyan | |
|---|---|
 Gohar Harutyunyan | |
| Shaxsiy maʼlumotlari | |
| Tavallud sanasi | 2002-yil 14-iyul |
| Sport | |
| Mamlakat | Armaniston |
| Qaysi sport | otish sporti |
| Murabbiy(lar)i | Edgar Baghdasaryan |
Gohar Harutyunyan (armancha: Գոհար Հարությունյան, Goar Harutyunyan[1] deb ham ataladi; 2002-yil 14-iyulda tugʻilgan) — armanistonlik oʻq otish sporti bilan shugʻullanuvchi sportchi[2][3]. 10 metr va 50 metrga harakatlanuvchi nishonga oʻq otish boʻyicha musobaqalarda ishtirok etadi. 2024-yilda 10RT20 va 10RT20MIX yoʻnalishlarida Yevropa chempionligini qoʻlga kiritgan.
Faoliyati
Gohar Harutyunyan oʻsmirlik chogʻida bobosi Gagik Meloyan maslahati bilan oʻq otish sporti bilan shugʻullanishni boshlagan. Bobobi 2019-yilda vafot etguniga qadar nabirasiga murabbiylik qilgan. Shundan keyin Harutyunyan murabbiy Razmik Minasyan, soʻngra Armenak Galoyan qoʻl ostida sport mashgʻulotlarini davom ettirgan. Uning ilk musobaqasi bolalar va oʻsmirlar sport maktabi ochiq chempionati boʻlib, ushbu musobaqada 3-oʻrinni egallashga muvaffaq boʻlgan. Harutyunyan 13 yoshida Armaniston chempionatida ishtirok etgan va gʻoliblikni qoʻlga kiritgan[4]. 2025-yilda unga Edgar Baghdasaryan murabbiylik qilgan[5].
2019-yilning mart oyida oʻtkazilgan 2019-yilgi 10 m masofaga oʻq otish boʻyicha Yevropa chempionatida Harutyunyan jamoaviy bahsda Lilit Mkrtchyan va Arusyak Grigoryan bilan birgalikda ishtirok etib, musobaqaning bronza medalini qoʻlga kiritgan[6].
2022-yil mart oyida boʻlib oʻtgan 2022-yilgi 10 m masofaga oʻq otish boʻyicha Yevropa chempionatida ishtirok etib, oʻsmir qizlar oʻrtasida harakatlanuvchi nishonga oʻq otish boʻyicha yakkalik[7] hamda aralash bahslarda[8] oltin medallarni qoʻlga kiritgan. Gohar Harutyunyan hamda Gor Xachatryan juftligi harakatlanuvchi nishonga oʻq otish boʻyicha aralash bahslarda musobaqaning oltin medaliga ega chiqqan[9].
2022-yil avgust oyida oʻtkazilgan 2022-yilgi harakatlanuvchi nishonga oʻq otish boʻyicha jahon chempionatida u oʻsmir qizlar oʻrtasida musobaqaning bronza medalini qoʻlga kiritgan[10][11].
2024-yil avgust oyida Chexiyaning Plzeň shahrida boʻlib oʻtgan 2024-yilgi harakatlanuvchi nishonga oʻq otish boʻyicha Yevropa chempionatida Harutyunyan uchta oltin medalni qoʻlga kiritgan. U ayollar oʻrtasida 10 metrga harakatlanuvchi nishonga oʻq otish bahsida musobaqa gʻolibiga aylangan[12]. Gohar Harutyunyan, Lilit Mkrtchyan, Arusyak Grigoryandan iborat Armaniston jamoasi aralash estafeta bahslarida Yevropa chempionligini qoʻlga kiritishga muvaffaq boʻlgan[13]. Gor Xachatryan va Gohar Harutyunyan juftligi esa harakatlanuvchi nishonga oʻq otish boʻyicha aralash bahslarda musobaqa chempioniga aylangan[14].
2025-yil iyul oyida Fransiyaning Châteauroux shahrida boʻlib oʻtgan 2025-yilgi oʻq otish boʻyicha Yevropa chempionatida u ayollar oʻrtasida 50 metrga harakatlanuvchi nishonga oʻq otish boʻyicha yakkalik bahsida 380 ochko bilan kumush medalni qoʻlga kiritgan[15][16]. Shuningdek, ayollar oʻrtasida 10 metrga harakatlanuvchi nishonga oʻq otish boʻyicha aralash jamoaviy bahsda Gohar Harutyunyan, Lilit Mkrtchyan, Arusyak Grigoryan jamoasi 1103 ochko bilan oltin medalga sazovor boʻlgan[17]. Arusyak Grigoryan, Gohar Harutyunyan hamda Lilit Mkrtchyan jamoasi 10 metrga harakatlanuvchi nishonga oʻq otish boʻyicha jamoaviy bahsda musobaqaning kumush medaliga sazovor boʻlgan.
Manbalar
- ↑ Hakobyan, Vahe „Armenia's shooting team finished the 2025 European Championship with 17 medals“. sportaran.com (2025-yil 31-iyul). 2025-yil 12-avgustda asl nusxadan arxivlangan. Qaraldi: 2026-yil 19-fevral.
- ↑ „Gohar Harutyunyan Named European Shooting Champion“. Asbarez (2024-yil 28-avgust). Qaraldi: 2026-yil 19-fevral.
- ↑ „Gohar HARUTYUNYAN“. www.issf-sports.org. 2025-yil 15-dekabrda asl nusxadan arxivlangan. Qaraldi: 2026-yil 19-fevral.
- ↑ Nelly Avetisyan.. „Շատ կցանկանայի մրցել պապիկիս հետ. հրաձգության Եվրոպայի չեմպիոն Գոհար Հարությունյան“ (hy). armsport.am (2022-yil 22-aprel). Qaraldi: 2026-yil 14-fevral.
- ↑ Կայացել է հրաձգության Հայաստանի առաջնությունը [Armenian Shooting Championship held], May 6, 2025
- ↑ „Armenian shooters win bronze at European C'ship“. www.panorama.am (2019-yil 19-mart). Qaraldi: 2026-yil 19-fevral.
- ↑ „Running target junior women results“. 2022-yil 7-iyulda asl nusxadan arxivlangan. Qaraldi: 2026-yil 12-fevral.
- ↑ „Running target mixed junior women results“. 2022-yil 7-iyulda asl nusxadan arxivlangan. Qaraldi: 2026-yil 25-mart.
- ↑ „Running target mixed team results“. 2022-yil 7-iyulda asl nusxadan arxivlangan. Qaraldi: 2026-yil 12-fevral.
- ↑ „10m RUNNING TARGET WOMEN JUNIOR INDIVIDUAL“. International Shooting Sport Federation (2022-yil 8-avgust). 2022-yil 9-avgustda asl nusxadan arxivlangan. Qaraldi: 2026-yil 12-fevral.
- ↑ Chateauroux 2022 ISSF World Championships, 01 — 09 Aug 2022 Results Book
- ↑ „Armenian women's shooting team wins silver at European Championship“ (en). Armenpress (2024-yil 28-avgust). Qaraldi: 2026-yil 22-fevral.
- ↑ „Գոհար Հարությունյանը երրորդ ոսկին է նվաճել Եվրոպայի առաջնությունում“ (hy). Թերթ.am (2024-yil 30-avgust). 2026-yil 23-fevralda asl nusxadan arxivlangan. Qaraldi: 2026-yil 14-fevral.
- ↑ „Գոռ Խաչատրյան – Գոհար Հարությունյան զույգը դարձել է Եվրոպայի չեմպիոն“ (hy). MediaRoom.aM (2024-yil 2-sentyabr). 2025-yil 8-fevralda asl nusxadan arxivlangan. Qaraldi: 2026-yil 14-fevral.
- ↑ „Shooter Gohar Harutyunyan, vice-champion of the European Championship“ (en). tert.am (2025-yil 31-iyul). Qaraldi: 2026-yil 14-fevral.[sayt ishlamaydi]
- ↑ „Armenia's Gohar Harutyunyan wins silver at European Shooting Championships“ (en). ArmenPress (2025-yil 31-iyul). 2025-yil 8-sentyabrda asl nusxadan arxivlangan. Qaraldi: 2026-yil 14-fevral.
- ↑ „Armenia's Shooting Team Wins Gold, Silver, and Bronze Medals at the European Running Target Championships“ (en). MassisPost (2025-yil 30-iyul). 2025-yil 13-avgustda asl nusxadan arxivlangan. Qaraldi: 2026-yil 14-fevral.