Gia Pergolini
| Gia Pergolini | |
|---|---|
 Pergolini, 2021-yil | |
| Shaxsiy maʼlumotlari | |
| Tavallud sanasi |
2004-yil 3-fevral Atlanta Jorjiya, AQSh |
| Sport | |
| Qaysi sport | para suzish |
| Klubi | Dynamo suzish klubi |
| Murabbiy(lar)i | Nick Graves |
Gia Pergolini (2004-yil 3-fevralda tugʻilgan) – amerikalik paralimpiya suzuvchisi. 2020 va 2024-yilgi Yozgi Paralimpiada oʻyinlarida Amerika Qoʻshma Shtatlari sharafini himoya qilgan.
Yoshlik yillari va taʼlimi
Jorjiya shtatining Atlanta shahrida tugʻilgan Pergolini 2022-yildan buyon Florida Xalqaro Universitetida tahsil olib kelmoqda va shu universitetning suzish hamda suvga shoʻngʻish jamoasi aʼzosi hisoblanadi[1][2].
Suzish boʻyicha faoliyati
Gia Pergolini 2017-yilda boʻlib oʻtgan suzish boʻyicha Jahon chempionatida xalqaro maydondagi debyutini amalga oshirdi va S13 klassda 100 metrga chalqancha suzish bahslarida kumush medalga sazovor boʻldi. Shuningdek, sportchi 2019-yilda para suzish boʻyicha Jahon chempionatida Amerika Qoʻshma Shtatlari sharafini muvaffaqiyatli himoya qildi va S13 klassda 100 metrga chalqancha suzish yoʻnalishi boʻyicha kumush medalni qoʻlga kiritdi[3]. 2018-yilgi AQShda oʻtkazilgan para suzish boʻyicha milliy paralimpiya chempionatining S13 klassida 100 metrga chalqancha suzish boʻyicha 1:07.97 natija koʻrsatgan holda Qoʻshma Shtatlar rekordini oʻrnatdi[4].
Pergolini atigi 17 yoshida 2020-yilgi Yozgi Paralimpiada oʻyinlarida ayollar oʻrtasida S13 klassda 100 metrga chalqancha suzish boʻyicha bahslarda qatnashib, saralash bosqichida 1:05.05 natijani qayd etgan holda jahon rekordini oʻrnatdi[5]. Sportchi finalda 1:04.64 natija koʻrsatib, oltin medalga ega chiqdi va jahon rekordini yangiladi[6][7].
2022-yil 14-aprelda Pergolini 2022-yilgi para suzish boʻyicha Jahon chempionatida Amerika Qoʻshma Shtatlari sharafini himoya qilish uchun tarkibga kiritildi[8].
2024-yil 30-iyun kuni suzuvchi 2024-yilgi Yozgi Paralimpiada oʻyinlarida ishtirok etish uchun Amerika terma jamoasi tarkibiga qoʻshildi[9]. Paralimpiya oʻyinlarida Pergolini ayollar oʻrtasida S13 klassda 100 metrga chalqancha suzish bahslarida oltin medalni, S13 klassda 50 metrga erkin usulda suzish yoʻnalishida esa kumush medalni qoʻlga kiritdi. Bu esa AQSh jamoasi uchun musobaqaning birinchi oltin medali edi[10].
Manbalar
- ↑ Costantini. „Paralympic Swimmer Gia Pergolini Is Back, And Better Than Ever“ (en). www.teamusa.com (2024-yil 13-fevral). Qaraldi: 2025-yil 21-yanvar.
- ↑ „Gia Pergolini - 2023-24 - Swimming and Diving“ (en). FIU Athletics. Qaraldi: 2025-yil 21-yanvar.
- ↑ „Gia Pergolini“. teamusa.org. 2021-yil 17-iyunda asl nusxadan arxivlangan. Qaraldi: 2021-yil 26-avgust.
- ↑ D'Addona. „Para Swimming Nationals: 20 Records on Final Night“. swimmingworldmagazine.com (2018-yil 16-dekabr). Qaraldi: 2021-yil 26-avgust.
- ↑ „Swimming: Gia Pergolini“. Tokyo 2020 Paralympics. Tokyo Organising Committee of the Olympic and Paralympic Games. 2021-yil 26-avgustda asl nusxadan arxivlangan. Qaraldi: 2021-yil 26-avgust.
- ↑ Price. „Coming In Hot, Teenage Swimmer Gia Pergolini Eyes A Podium Spot In 100 Backstroke“. teamusa.org (2021-yil 25-avgust). Qaraldi: 2021-yil 26-avgust.
- ↑ Grunik. „Para Swimmers Anastasia Pagonis Gia Pergolini Win Team USAs First Golds In World Record Style“. teamusa.org (2021-yil 26-avgust). Qaraldi: 2021-yil 26-avgust.
- ↑ Gowdy. „U.S. Paralympics Swimming Nominates 25 athletes to World Championship Roster“. teamusa.org (2022-yil 14-aprel). 2022-yil 16-mayda asl nusxadan arxivlangan. Qaraldi: 2022-yil 14-aprel.
- ↑ Gowdy. „U.S. Paralympics Swimming Roster Announced for 2024 Paralympic Games“. usparaswimming.org (2024-yil 30-iyun). Qaraldi: 2024-yil 30-iyun.
- ↑ Goldsticker. „Pergolini Wins First U.S. Gold at Paris 2024 on a Three Medal Day“. usparaswimming.org (2024-yil 30-avgust). Qaraldi: 2024-yil 30-avgust.
Havolalar
- Gia Pergolini at the IPC Tokyo 2020 website (Wayback Machine saytida 2021-yil 24-sentyabr sanasida arxivlangan)