Georgiy Saakadze
Georgiy Saakadze (taxminan 1580, Peli qishlogʻi — 1629-yil, 10-mart) — gruzin siyosat arbobi, sarkarda. 1608-yil Tbilisi mauravisi (hokimi). Gruziyani birlashtirish maqsadida kurash olib borgan, levin saroy fitnasi natijasida Eronga ketishga majbur boʻlgan. 1620-yil Eron shohi Abbos I yordamida Kartli podsholigining amaldagi hukmdoriga aylangan. 1623-yil Kartli va Kaxetida Saakadze rahbarligida Eronga qarshi yirik qoʻzgʻolon koʻtarilgan. Qoʻzgʻolonchilar 30 minglik Eron qoʻshinini tormor keltirishgan. Lekin 1625-yil jangda magʻlub boʻlishgan. Saakadze bosqinchilarga qarshi kurashni davom ettirgan. 1628-yil Saakadze qoʻshinlari tormor keltirilgach, Turkiyaga qochgan va oʻsha yerda oʻldirilgan[1].
Manbalar
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |