Gemolakriya
Gemolakriya (lotincha haemolacria) — koʻz yoshlari bilan birga qonning chiqishi boʻladi. Chiqarilgan suyuqlikning rangi och qizil rangdan toʻq qizil ranggacha oʻzgarishi mumkin. Burun va bosh terisidan qon ketishi, bosh ogʻrigʻi bilan birga kechishi mumkin[1].
Etiologiyasi
Gemolakriya koʻz yosh bezlari va yoʻllarning oʻsmalari, travmalar, infeksiyalar va boshqa kasalliklar orqasidan yuzaga kelishi mumkin. Koʻz ichi qon ketishi sodir boʻlgan gemolakriya turi mavjud. Reproduktiv yoshdagi ayollarda gemolakriya gormonal nomutanosiblik tufayli yuzaga kelishi aniqlangan.
Manbalar
- ↑ Ahluwalia, Khurana, Sood, BK; AK; S;. Bloody tears — 41-43-bet.