Gard (kompaniya)

Gard — butun dunyo bo‘ylab faoliyat yurituvchi dengiz sug‘urtasi sohasidagi yirik o‘zaro (mutual) kompaniya hisoblanadi. U Xalqaro P&I Klublar guruhi (International Group of P&I Clubs) tarkibiga kiruvchi 12 ta P&I klub ichida eng katta himoya va tovon (Protection & Indemnity – P&I ) sug‘urtachisi sanaladi. Gard kompaniyasi dengiz kemalari egalariga turli sug‘urta xizmatlarini, jumladan: himoya va tovon (P&I) sug‘urtasi, yuk sug‘urtasi, kemalarning zararlanishi bo‘yicha qoplamalar va boshqa qo‘shimcha sug‘urtalar xizmatlarini taklif etadi. U o‘zaro jamiyat bo‘lganligi sababli, Gard’ning egalari uning mijozlarining o‘zidir. Bu tizim sug‘urta haqlarining adolatli belgilanishi va foyda qayta mijozlarga xizmatlar shaklida taqsimlanishini ta’minlaydi. Kompaniya global miqyosda faoliyat yuritadi va dunyoning ko‘plab mintaqalarida ofislarga ega.

Gard o‘z mijozlariga quyidagi sohalarda sug‘urta va xavfni boshqarish xizmatlarini taklif etadi:

• kemalar egalari va operatorlari;

• kemasozlik zavodlari;

• neft va gaz sanoatining quyi bosqich (upstream) kompaniyalari;

• dengizda joylashgan shamol elektr stansiyasi (lari) (offshore windfarm) operatorlari.

Shuningdek, Gard kompaniyasining to‘liq egaligidagi sho‘ba korxonasi — Gard Marine & Energy Limited ham mavjud bo‘lib, u dengiz va energetika sohasida sug‘urta xizmatlarini ko‘rsatadi. Gard kompaniyasida butun dunyo bo‘ylab 700 dan ortiq xodim ishlaydi. Kompaniyaning asosiy ofisi Norvegiyaning Arendal shahrida joylashgan. Bundan tashqari, u quyidagi shaharlarda jami 15 ta ofisga ega: Yevropa: Afina, Bergen, Aarhus, Kopengagen, Helsinki, London, Oslo; Osiyo: Gonkong, Imabari, Tokio, Singapur; Amerika: Nyu-York, Rio-de-Janeyro; Karib orollari: Bermuda.

Gard o‘zining keng global tarmog‘i orqali xalqaro miqyosda dengiz, energiya va boshqa sohalarda yuqori sifatli sug‘urta xizmatlarini ko‘rsatadi.