Gaosyun masjidi
| Masjid | |
 | |
| Gaosyun masjidining bosh fasadi | |
| Mamlakat |  Tayvan
|
| Hudud | Gaosyun |
| Shahar | Lingya |
| Tuman | Jianjun Road |
| Manzil | 11 Jianjun Road, Lingya, Kaohsiung |
| Koordinatalar | 22°37′41″N 120°20′31″E / 22.62806°N 120.34194°E |
| Yoʻnalishi | Sunniy Islom |
| Mulkdor | Xitoy Musulmonlar Uyushmasi |
| Masjid turi | Jomeʼ-Masjid |
| Meʼmoriy uslub | Islom meʼmorchiligi (Yaqin Sharq uslubi) |
| Binokorlik | 1990 (hozirgi bino)—1992 (hozirgi bino) |
| Asosiy sana: 1949 — '
| |
| Maqomi | Faol |
| Umumiy maydoni | 2,657 m2 (28,600 kv ft) |
| Gumbazlar soni | 1 (katta Yaqin Sharq uslubidagi gumbaz) |
| Gumbazlar soni | 1 (katta Yaqin Sharq uslubidagi gumbaz) |
| Balandligi | 3 qavatli bino |
| Minoralar soni | 2 |
| Minoralar soni | 2 |
| Holati | Amaldagi |
| Tarovih | 
|
| Saharlik va iftorlik |
|
| Kutubxona |
|
| Madrasa |
|
| Sayt | [kh-masjid.org.tw Rasmiy sayt] |
Gaosyun masjidi (xitoycha: 高雄清真寺) – Tayvanning Gaosyun shahri, Lingya tumanida joylashgan masjid. 1949-yilda qurib bitkazilgan ushbu masjid Tayvanda Taypey jome masjididan keyin qurilgan ikkinchi masjiddir.[1]
Tarixi
1949-yilgi bino, Wufu 4-koʻchasi
Gaosyun masjidi 1949-yilda Xitoylik musulmon millatchilar tomonidan Xitoy fuqarolar urushida kommunistlardan magʻlub boʻlib Tayvanga koʻchib oʻtgandan soʻng qurilgan.[2] Dastlab musulmon davlat xizmatchilari Gomindon hukumati bilan hamkorlikda Tayvanda yangi masjid qurishni taklif qilishgan va 1949-yil yanvaridan mablagʻ yigʻishni boshlashgan. Birinchi bosqichda Yancheng tumani, Wufu 4-koʻchasidagi 270 kvadrat metrli joy vaqtincha ijaraga olingan.
1951-yilgi bino, Linsen 1-koʻchasi
Wufu 4-koʻchasidagi joy torlik qilgani sababli, 1951-yilda Sinsing tumani, Linsen 1-koʻchasidagi 460 kvadrat metrli yapon uslubidagi yogʻoch bino sotib olingan. Musulmonlar soni ortib borishi bilan yangi masjid qurish uchun mablagʻ yigʻish davom etdi. 1988-yil oktyabr oyida eski masjidning yeri sotildi va tushgan mablagʻ hozirgi yangi masjid qurilishiga yoʻnaltirildi.
1992-yilgi bino, Jianjun koʻchasi (hozirgi bino)
1990-yil fevral oyida masjidni Lingya tumanidagi hozirgi kengroq va yaxshi jihozlangan bino joylashgan hududga koʻchirish rejalashtirildi. Qurilish ishlari 1990-yil 17-dekabrda boshlanib, 1991-yil dekabr oyi oxirida yakunlandi. Qurilish qiymati taxminan 1,9 million AQSh dollarini tashkil etgan.[3] Masjid 1992-yil aprel oyida tantanali ravishda ochildi.
Meʼmorchiligi
Gaosyun masjidi uch qavatli bino boʻlib, uning asosiy xususiyati Yaqin Sharq uslubidagi katta gumbazdir. Namozxona, burchaklar va bino qismlarining dizayni Yaqin Sharqdagi anʼanaviy masjidlarga asoslangan. Binoning umumiy maydoni 2657 kvadrat metrni tashkil qiladi.
Birinchi qavatda erkaklar va ayollar yotoqxonalari, ayollar namozxonasi va ayollar faoliyat markazi joylashgan. Ikkinchi qavatda asosiy namozxona, Arab tilini oʻrganish markazi va Islom madaniyati koʻrgazma zali mavjud. Uchinchi qavatda mehmonxona, yoshlar faoliyat markazi, ofis va oshxona joylashgan. Shuningdek, masjidda imom xonasi, maʼmuriyat, kutubxona va tahoratxona mavjud.
Transport
Masjidga Gaosyun metropolitenining (MRT) Weiwuying bekatidan shimol tomonga piyoda yurib borish mumkin.[4]
Galereya
-
Wufu 4-ko'chasidagi birinchi bino -
Linsen 1-ko'chasidagi ikkinchi bino -
Hozirgi masjidning namozxonasi -
Masjiddagi Juma namozi
Shuningdek qarang
Manbalar
- ↑ Quartly, Jules „Night Markets Find Ways to Get with the Times“. AmCham Taiwan (2021-yil 22-yanvar). Qaraldi: 2021-yil 22-yanvar.
- ↑ „The Kaohsiung Mosque“. Kaohsiung Travel (2020-yil 17-noyabr). Qaraldi: 2021-yil 4-iyul.
- ↑ „Building Faith“. Taiwan Today (1992-yil 1-may). Qaraldi: 2021-yil 10-fevral.
- ↑ Thomas, John. „Taiwan – The Halal Traveler's Ultimate Destination“. Arabian Gazette (2017-yil 26-iyun). 2020-yil 23-iyunda asl nusxadan arxivlangan. Qaraldi: 2021-yil 20-yanvar.