Ganj-e Badavard
Ganj-e Badavard (fors tili: گنچ باداورد Ganǰ-i Bādāvard, soʻzma-soʻz tarjimasi „shamol olib kelgan xazina“) – koʻpchilik fors manbalariga koʻra, Sosoniylar shohi Xusrav II (hukmronligi: 591–628)ning afsonaviy sakkizta xazinasidan biri hisoblangan. Afsonaga koʻra, bu xazina Vizantiyaga tegishli boʻlgan 100 ta (baʼzi manbalarda 1000 ta) kemadan iborat flot edi, unda oltin, kumush, tangalar va qimmatbaho toshlar hamda Muqaddas xoch boʻlgan. Ushbu kemalar Efiopiyaga yoki boshqa bir manzilga yoʻl olayotganida dovulga uchrab, yoʻldan adashgan va sosoniylar tomonidan qoʻlga olingan[1]. Shohnomaga koʻra esa, bu xazina afsonaviy Kayoniylar shohi Kay Xusravga ham tegishli boʻlgan[1].
Manbalar
- ↑ 1,0 1,1 Omidsalar 2000, s. 280–281.
Adabiyot
- Omidsalar, Mahmoud (2000). "Ganj-e Bādāvard". Encyclopaedia Iranica, Vol. X, Fasc. 3. 280–281 b. http://www.iranicaonline.org/articles/ganj-e-badavard-.