Gang Bengkok eski masjidi
| Masjid | |
| Tasvir yaratishda xatolik: | |
| Mamlakat |  Indoneziya
|
| Hudud | Shimoliy Sumatra |
| Shahar | Medan |
| Koordinatalar | 3°35′12″N 98°40′41″E / 3.5866474°N 98.6779922°E |
| Yoʻnalishi | sunniy |
| Masjid turi | Jomeʼ-Masjid |
| Meʼmoriy uslub | Malay va xitoy meʼmorchiligi |
| Asoschi | Deli sultoni |
| Binokorlik tashabbuschisi | Chong A Fi |
| Homiylar | Hoji Muhammad Ali |
| Binokorlik | 1885—1889 |
| Asosiy sana: 1874-yil
| |
| Holati | amaldagi |
| Tarovih | 
|
| Saharlik va iftorlik |
|
Gang Bengkok eski masjidi, (indonezcha: Masjid Lama Gang Bengkok; xitoycha: 明光老巷清真寺) Indoneziyaning Shimoliy Sumatra provinsiyasidagi Medan shahrida joylashgan masjid. Gang Bengkok eski masjidi Medan shahridagi Medan Gʻarbiy tumani, Jalan Mesjid koʻchasida, Kesavan hududida joylashgan[1]. Gang Bengkok eski masjidi Xitoyning Guandun shahridan kelgan savdogar va Kapitan – Chong A Fi tomonidan qurilgan. Bu masjid dastlab 1885-yilda qurilgan, biroq taʼmirlash ishlari 1889-yilda yakunlangan. Keyinchalik bu masjid Chong A Fi tomonidan Deli sultonligiga topshirilgan, bu voqea Deli sultoni Sulton Maʼmun Al Rashid hukmronligi davriga toʻgʻri keladi[1].
History
Gang Bengkok masjidi 1874-yilda qurilgan deb taxmin qilinadi. Masjid binosi Hoji Muhammad Alining, yoki yaxshiroq Datuk Kesavan nomi bilan tanilgan shaxsning vaqf yerida qad rostlagan. Qurilish jarayonida, XIX asr boshlarida Xitoydan Medan shahriga koʻchib kelgan xitoylik savdogar Chong A Fi masjidning butun qurilish ishlarini oʻzi boshqargan[manba kerak].
Avvallari Al-Osmoniy masjidi Medan shahridagi eng qadimiy masjid boʻlib, 1854-yilda asos solingan. Soʻng 20-yildan keyin Gang Bengkok masjidi qurilgan boʻlib, u ham malaylar va ham xitoylar oʻrtasidagi muhim tarixga ega joy hisoblanadi[manba kerak].
Aniqrogʻi, Gang Bengkok masjidi 1874-yilda tashkil etilgan. Uning gʻalati nomi bor, chunki qurilish boshida u tor koʻchada joylashgan edi. Soʻng masjidning roʻparasida aynan burilish (egri joy) boʻlgan. Masjidning hech qachon rasmiy nomi boʻlmaganiga ham qoʻshimcha ravishda, masjid Gang Bengkok eski masjidi deb atala boshlangan. Gang Bengkok masjidining asoschisi Deli sultoni boʻlib, u ham masjidga rasmiy nom bermagan, shu sabab Kesavan atrofidagi mahalliy aholi uni Gang Bengkok eski masjidi deb atagan[2].
Arxitekturasi
Gang Bengkok eski masjidida xitoy va malay madaniyatining kuchli taʼsiri seziladi. Bu taʼsirlar uygʻunligi oʻziga xos masjid binosini yuzaga keltirgan. Meʼmorchiligiga qaraganda, bu masjid odatdagi masjid binosiga oʻxshamaydi, balki xitoy ibodatxonasiga oʻxshaydi. Biroq masjid ichiga kirganingizda, masjid muhiti yaqqol koʻrinadi va masjidga xos ruh juda kuchli seziladi. Ibodatxona singari binolar ajablanarli emas, chunki qurilishning oʻzi Medan shahrining xitoy millatiga mansub arbobi – Chong A Fi tomonidan boshlangan. Shunga qaramay, Gang Bengkok eski masjidida malay va islomiy ohang saqlanib qolgan[manba kerak].
Malay uslubining taʼsirini masjid shiftida koʻrish mumkin: u yerda Lebah Bergantung (inglizcha: Osilgan asalarilar) deb ham ataladigan bezaklar bor. Bezak yogʻochdan ishlangan boʻlib, oʻziga xos va maftunkor oʻymakorlik natijasida xuddi sariq parda singari koʻrinish hosil qiladi. Sariq rangning oʻzi malaylarga xos rangdir. Shuningdek, Gang Bengkok eski masjidining darvozasi fors islomiy uslubi taʼsirini olgan[2].
Yana qarang
Manbalar
- ↑ 1,0 1,1 Tanjung, Raini; Jessy, Rudiansyah dan (2019). "Masjid Lama Gang Bengkok Sebagai Simbol Multietnis di Kota Medan". TALENTA Conference Series (TALENTA Publisher Universitas Sumatera Utara) 2 (3): 2. ISSN 2654-7066. https://talentaconfseries.usu.ac.id/lwsa/article/download/723/531/.
- ↑ 2,0 2,1 „Masjid Lama Gang Bengkok Kota Medan“. Kontraktor Kubah Masjid (2018-yil 17-sentyabr). Qaraldi: 2021-yil 23-dekabr.
Havolalar
Vikiomborda „Gang Bengkok eski masjidi“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |