Galdurovut

Galdurovut — O‘zbekistonning Jizzax viloyati Baxmal tumani hududida joylashgan tog‘ bo‘lib, Morguzar tog‘ tizmasi tarkibiga kiradi. Tog‘ taxminan 39°49′01″ shimoliy kenglik va 67°53′43″ sharqiy uzunlik koordinatalarida joylashgan. Shu nom bilan hududda soy va qishloq nomlari ham uchraydi.

Etimologiyasi

„Galdurovut“ (baʼzi manbalarda Galdrovut yoki Galdirovut) nomining kelib chiqishi mahalliy sheva hamda qirgʻiz tiliga bogʻliq deb hisoblanadi.

Nom ikki qismdan tashkil topgan:

• guldur – guldur-guldur ovoz, yaʼni kuchli shovqin yoki jarangli tovush (masalan, suvning shovullab oqishi yoki toshlarning toʻqnashuvi);
• ov / ovit – ayrim turkiy tillarda joy nomini hosil qiluvchi qoʻshimcha.

Shu sababli „Galdurovut“ nomi „guldur-guldur tovush chiqadigan joy“, yaʼni suv shovqini kuchli eshitiladigan dara yoki soy joylashgan hudud maʼnosini anglatadi.

Mahalliy xususiyatlari

Hududda shu nom bilan ataluvchi soy mavjud bo‘lib, suvning kuchli shovqin bilan oqishi sababli mahalliy aholi tomonidan shu nom bilan atalgan. Qishloqda tarixan qirg‘iz millatiga mansub aholi yashaganligi sababli nomning shakllanishida ularning shevasi ham ta’sir ko‘rsatgan.