Galats

Galats — Ruminiyadagi shahar, Dunay daryosining chap sohilidagi dengiz kemalari kira oladigan port. Galats judesining maʼmuriy markazi. Aholisi 307,4 ming kishi (1990). Yilnomalarda XIV asrdan tilga olingan. Xalqaro savdo markazi sifatida XVI asrdan maʼlum. Temir yoʻl, dengiz, dare, avtomobil va quvur transporta yoʻllarining muhim tuguni. Yirik metallurgiya markazi. Metallsozlik va mashinasozlik, jumladan kemasozlik, qishloq xoʻjaligi mashinasozligi zavodlari, oziq-ovqat sanoati, toʻqimachilik, koʻn poyabzal, yogʻochsozlik, qurilish materiallari va lak-boʻyoq korxonalari bor. Chetga qishloq xoʻjaligi mahsulotlari va yogʻoch-taxta chiqaradi. G. orqali mamlakatga temir rudasi, koks, paxta, asbob-uskuna va b. keltiriladi. G. baliq sanoati rivojlangan rayonning markazi. Oliy oʻquv yurtlari, madaniyat saroyi, muzeylar bor.

Adabiyotlar

• OʻzME. Birinchi jild. Toshkent, 2000-yil