Gaia Bassani Antivari
| Gaia Bassani Antivari | |
|---|---|
| Shaxsiy maʼlumotlari | |
| Jinsi | Ayol |
| Tavallud sanasi |
1978-yil 8-iyul Milan, Italiya |
| Boʻyi | 166 sm |
| Vazni | 60 kg |
| Sport | |
| Mamlakat |
 Ozarbayjon,  Grenada  Italiya |
| Qaysi sport | Togʻ changʻi sporti |
| Murabbiy(lar)i | Stefano Danetto[1]. |
Gaia Bassani Antivari (1978-yil 8-iyulda tugʻilgan) – italiyalik togʻ changʻi sportchisi boʻlib[2], 2010-yilgi Vankuver va 2014-yilgi Sochi qishki Olimpiya oʻyinlarida Ozarbayjon sharafini himoya qilgan[3][4].
Faoliyati
16 yoshidan togʻ changʻi sporti bilan shugʻullanishni boshlagan. 1996-yilda Italiya terma jamoasi safida debyut qilgan[1].
1997-yilda oyogʻini sindirib olgan, natijada tiklanish jarayoni ikki yil davom etgan. 1998-yil oxiridan 2002-yilgacha Grenada sharafini himoya qilgan. 2002-yilda Grenada Olimpiya qoʻmitasi (GOQ) sportchilarni 2002-yilgi Solt-Leyk-Siti shahrida boʻlib oʻtgan qishki Olimpiya oʻyinlariga yubormaslikka qaror qilgan. Antivari ishtirok etish uchun barcha zarur talablarni bajarganligi sababli, Olimpiya oʻyinlarida qatnashish boʻyicha arizani shaxsiy nomidan topshirgan. U Grenada nomidan ishtirok etishini kutib, oʻz hisobidan Solt-Leyk-Sitiga borgan, biroq GOQ sportchilarni ushbu Olimpiadaga yubormaganini asos qilib, uni qoʻllab-quvvatlashdan bosh tortgan. Xalqaro Olimpiya Qoʻmitasi Grenada Olimpiya qoʻmitasi tomonidan rasmiy ariza topshirilmagani sababli Antivarining ishtirokini rad etgan. Antivari ushbu qaror ustidan Sport arbitraj sudiga shikoyat qilgan, biroq apellyatsiya rad etilgan[1].
2008-yildan boshlab Antivari Ozarbayjon sharafini himoya qilib keladi. 2010-yil boshida tizzasidagi oldingi xochsimon bogʻlamani uzib olganligi sababli, uch yil davomida toʻliq tiklana olmagan[1].
2010-yilgi Vankuver Qishki Olimpiya oʻyinlarida Ozarbayjon sharafini himoya qilgan. U 24 va 26-fevral kunlari mos ravishda gigant slalom va slalom boʻyicha mahalliy vaqt bilan soat 10:00 da start olgan. Birinchi yoʻnalishda 25-fevral kuni 57-oʻrinni egallagan, ikkinchisida esa finishga yetolmagan.
Antivari 2014-yilgi Sochi Olimpiya oʻyinlarida Ozarbayjon jamoasi tarkibida boʻlgan, biroq startga chiqmagan.
Gaia Bassani Antivari Milan universitetini huquqshunoslik boʻyicha tamomlagan. U ingliz, fransuz va italyan tillarini bilgan[1].
Manbalar
- ↑ 1,0 1,1 1,2 1,3 1,4 Profil Gayi Bassani Antivari na ofitsialnom sayte Olimpiyskix igr 2014
- ↑ „FIS bio“. 2015-yil 24-sentyabrda asl nusxadan arxivlangan. Qaraldi: 2010-yil 11-fevral.
- ↑ „Vancouver 2010 Profile“. 2010-yil 13-mayda asl nusxadan arxivlangan. Qaraldi: 2010-yil 11-fevral.
- ↑ Javadova, Khanim. „BBC: Only foreign athletes will leave for Sochi to present Azerbaijan, but even that does not give Baku much hope for victory“. bbc.co.uk (2014-yil 16-yanvar). Qaraldi: 2014-yil 4-fevral.