Gʻuzordaryo
| Gʻuzordaryo | |
|---|---|
 Gʻuzordaryo havzasi | |
| Tavsif | |
| Uzunligi | 86 |
| Daryolar havzasi | 3170 km² |
| Suv sarfi | 4,87 m³/s (Pachkamar qishlogʻi) |
| Suv oqimi | |
| Boshlanishi | Katta va Kichik Oʻradaryoning qoʻshilishi |
| Quyilishi | Qashqadaryo |
| · Quyilish joyi | Qarshi shahridan 16 km sharqda |
| Joylashuvi | |
| Davlat | |
| Mintaqa | Qashqadaryo |
| Tuman | Gʻuzor va Qarshi tumanlari |
Gʻuzordaryo – Qashqadaryo viloyatidagi daryo. Qashqadaryoning chap irmogʻi. Quyi oqimida, Gʻuzor shahridan quyida Qorasuv deb nomlanadi.
Uzunligi 86 km. Havzasining maydoni 3170 km². Suv yigʻilish maydonining oʻrtacha balandligi 1532 m. Hisor tizmasining shimoli-gʻarbiy yon bagʻridan boshlanadigan Katta Oʻradaryo va Kichik Oʻradaryolarning qoʻshilishidan hosil boʻladi. Togʻlardan oqib chiqqach, tekislikdan oqib Qashqadaryoga quyiladi[1].
Oʻrtacha yillik suv sarfi 5,9 m³/sek. Eng koʻp suv sarfi 15,9 m³/sek., eng kam suv sarfi 0,31 m³/sek. Qor va yomgʻir suvlaridan toʻyinadi. Eng koʻp suv sarfi aprelda (22,5%), eng kam suv sarfi sentyabrda (3,6%) kuzatiladi. Gʻuzordaryoning yuqori qismida Pachkamar suv ombori barpo qilingan hamda daryodan irrigatsion kanallar chiqarilgan. Suvi, asosan, ekin maydonlarini sugʻorishga sarf boʻladi[1].
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Daryo haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |
Manbalar
- ↑ 1,0 1,1 „Gʻuzordaryo“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 11-jild (Qizilqumit — Hoʻrmuz). Toshkent: „Oʻzbekiston milliy ensiklopediyasi“ Davlat ilmiy nashriyoti, 2005 — 608-bet.
