Gʻarib al-Xol
Gʻarib ibn Abdulloh, laqabi al-Xol (Togʻa), Abbosiy xalifa al-Muqtadirning (h. 908–932) onasi Shagʻabning akasi[1][2]. Gʻarib oʻz davrining eng koʻzga koʻringan qoʻmondonlaridan biri boʻlib, 910-yilda Vizantiya imperiyasi bilan chegaradosh Suriya hududi, 912-yilda esa Sharqiy Arabiston noibi lavozimlarida xizmat qilgan[2]. Manbalarda, asosan, Abbosiylar davlati bosh qoʻmondoni Muʼnis al-Muzaffar bilan birga davlatning eng nufuzli va qudratli shaxslari qatorida qayd etilgan[3]. 917-yilda vafot etgach, butun hukumat dafn marosimida ishtirok etgan[2]. Gʻarib al-Xolning avlodlari ham, ayniqsa, oʻgʻli Horun ibn Gʻarib al-Xol saroyda yuqori lavozim va mavqega erishishgan[4].
Manbalar
- ↑ Bowen 1928, s. 106.
- ↑ 2,0 2,1 2,2 El Cheikh 2013, s. 168.
- ↑ Bowen 1928, ss. 106, 115, 147–148.
- ↑ El Cheikh 2013, ss. 168–169.
Adabiyotlar
- Bowen, Harold. The Life and Times of ʿAlí Ibn ʿÍsà, ‘The Good Vizier’. Cambridge: Cambridge University Press, 1928. OCLC 386849.
- El Cheikh, Nadia Maria „The Harem“, . Crisis and Continuity at the Abbasid Court: Formal and Informal Politics in the Caliphate of al-Muqtadir (295-320/908-32). Leiden: BRILL, 2013 — 165–185-bet. ISBN 978-90-04-25271-4.