Gʻafurjon Muhamedov
| Gʻafurjon Isroilovich Muhamedov | |
|---|---|
 | |
| Tavalludi |
1949-yil 20-dekabr Toshkent, Oʻzbekiston SSR |
| Fuqaroligi |
 Oʻzbekiston |
| Kasbi | kimyogar olim |
| Sohasi | kimyo |
| Taʼlimi | Toshkent davlat universiteti |
| Ilmiy darajasi | kimyo fanlari doktori |
| Ilmiy unvoni | professor |
| Mukofotlari |
 |
Gafurdjan Israilovich Muxamedov (1949-yil 20-dekabr, Toshkent, Oʻzbekiston SSR) — oʻzbekistonlik kimyogar olim, kimyo fanlari doktori (1991), professor. 2017-yilda Chirchiq davlat pedagogika institutiga rektor etib tayinlangan[1].
Biografiyasi
Gafurdjan Muxamedov 1949-yil 20-dekabr Toshkent shahrida tugʻilgan. 1972-yil Toshkent davlat universitetini tamomlagan. 1976—1997-yillarda Toshkent irrigatsiya va qishloq xoʻjaligini mexanizatsiyalash muhandislari institutida katta oʻqituvchi, dotsent, professor, 1983—1997-yillarda mazkur institutning „Umumiy fizika va kimyo“ kafedrasi mudiri vazifasida faoliyat olib borgan[2]. 1997—2005-yillari Jizzax davlat pedagogika instituti rektori, 2005—2006-yillari Toshkent davlat pedagogika universiteti rektori, 2006—2015-yillarda Oʻzbekiston Milliy universiteti rektori, 2017-yildan Chirchiq davlat pedagogika instituti (hozirgi Chirchiq davlat pedagogika universiteti) rektori[3][4] lavozimida faoliyat koʻrsatib kelmoqda. 2010—2014-yillari Oliy Majlis Senati senatori boʻlgan.
Oilasi
Gafurdjan Muxamedovning toʻrt nafar farzandi bor[2].
Ilmiy faoliyati
Gafurdjan Muxamedovning ilmiy ishlari karbamid formaldegid oligomerlarining uch oʻlchamli polimerlashtirish jarayonini sekinlashtirish usullariga oiddir. 1972—1975-yillari Moskvadagi Lev Yakovlevich Karpov nomidagi fizika-kimyo ilmiy tadqiqot instituti aspiranturasida oʻqigan. 1975-yilda nomzodlik ishini himoya qilib, kimyo fanlari nomzodi ilmiy darajasini, 1991-yili Moskva davlat universitetida doktorlik dissertatsiyasini yoqlab, kimyo fanlari doktori ilmiy darajasini olgan. Olim 4 ta monografiya, 10 ta ixtiro, 250 dan ortiq ilmiy maqolalar muallifidir[2].
Mukofotlari
- „Mehnat shuhrati“ ordeni (2021)[5].
Manbalar
- ↑ „G‘ofurjon Muhamedov Chirchiq davlat pedagogika institutiga rektor etib tayinlandi“ (2017-yil 1-avgust).
- ↑ 2,0 2,1 2,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342-bet.
- ↑ „Бывший ректор Национального университета возглавил Чирчикский государственный пединститут“ (2017-yil 1-avgust).
- ↑ „Toshkent viloyati Chirchiq pedagogika institutiga rektor tayinlandi“ (2017-yil 1-avgust).
- ↑ „O‘zbekiston Respublikasi mustaqilligining o‘ttiz yilligi munosabati bilan fan, ta’lim, sog‘liqni saqlash, sport, adabiyot, madaniyat, san’at sohalari va ommaviy axborot vositalari xodimlaridan bir guruhini mukofotlash to‘g‘risida“ (2021-yil 24-avgust).