Gözel Nuralyýewa

Gözel Nuralyýewa
Tavalludi	1954-yil 25-noyabr (71 yosh); Homaý, Boldumsaz etrapi, Toshoʻgʻuz viloyati, Turkmaniston SSR, SSSR
Fuqaroligi	Turkmaniston
Taʼlimi	Turkmaniston universiteti
Kasbi	siyosatchi, jurnalist, oʻqituvchi
Mukofotlari

Gözel Myradowna Nuralyýewa talaffuzi: Goʻzal Murodovna Nuraliyevna; 1954-yil 25-noyabr, Homaý, Boldumsaz etrapi, Toshoʻgʻuz viloyati, Turkmaniston SSR, SSSR) — turkmanistonlik siyosatchi va jurnalist.

Tarjimayi holi

Gözel Nuralyýewa 1954-yil 25-noyabrda Toshoʻgʻuz viloyati, Boldumsaz etrapidagi Homaý qishlogʻida tugʻilgan^[1]. Nuralyýewa Turkmaniston davlat universitetini rus tili va adabiyoti yoʻnalishi boʻyicha tamomlagan^[2]. Mehnat faoliyatini 1977-yilda Dänew etrapidagi 5-oʻrta maktabda oʻqituvchilikdan boshlagan. 1980—1990-yillarda Turkmaniston SSRdagi ommaviy axborot vositalarida turli lavozimlarda faoliyat yuritgan. 1981—1986-yillari „Tashauzskaya pravda“ gazetasida muxbir, boʻlim mudiri, 1986—1988-yillarda SSSR Kommunistik partiyasi Toshoʻgʻuz shahar qoʻmitasi instruktori boʻlib ishlagan, 1988—1990-yillarda Leningrad Oliy partiya maktabi talabasi boʻlgan. 1990—1991-yillarda Kommunistik partiya Markaziy qoʻmitasi sektorini boshqargan. 1991—1992-yillarda Davlat matbaa qoʻmitasida yetakchi mutaxassis boʻlib ishlagan^[2]. 1995-yilda Nuralyýewa Turkmaniston davlat teleradiokompaniyasiga ishga kirib, oʻsha yilning oxirida „Neytralniy Turkmenistan“ milliy gazetasi muharriri oʻrinbosari, keyin esa bosh muharriri boʻlgan. 2003-yilda madaniyat va axborot vaziri etib tayinlangan, shu bilan birga Ministrlar kabineti raisining oʻrinbosari boʻlgan^[3]. 2004-yil 11-avgustda sogʻligʻi tufayli ishdan boʻshatilgan.

Mukofotlari

Gözel Nuralyýewa „Vatanga boʻlgan muhabbati uchun“ medali (1996-yil), „Gʻayrat“ medali, „Turkmaniston mustaqilligiga 20 yil“ yubiley medali bilan taqdirlangan.

Manbalar

↑ Gozel Nuralievoy — 65-let
↑ ^2,0 ^2,1 Николай Головкин. „Гозель НУРАЛИЕВА (Туркменистан): «Я научилась просто жить, жить, доверяя сердцу, не уму...»“ (ruscha). webkamerton.ru (2024-yil 25-noyabr). 2025-yil 14-iyulda asl nusxadan arxivlangan. Qaraldi: 2026-yil 9-aprel.
↑ Rafis Abazov. Historical Dictionary of Turkmenistan. Scarecrow Press, 2005 — 242–-bet. ISBN 978-0-8108-5362-1.

[1] Gozel Nuralievoy — 65-let

[:0-2] 2,0 ^2,1 Николай Головкин. „Гозель НУРАЛИЕВА (Туркменистан): «Я научилась просто жить, жить, доверяя сердцу, не уму...»“ (ruscha). webkamerton.ru (2024-yil 25-noyabr). 2025-yil 14-iyulda asl nusxadan arxivlangan. Qaraldi: 2026-yil 9-aprel.

[Abazov2005-3] Rafis Abazov. Historical Dictionary of Turkmenistan. Scarecrow Press, 2005 — 242–-bet. ISBN 978-0-8108-5362-1.

[1]

[2]

[3]